ახალი ამბები
ვერის უბანი ფრანგული აქცენტით-Caffe-Restaurant Lautrec
მაისის თბილ და მზიან დილას, ვერის უბნის ძველ და ნაცნობ ქუჩებს რაღაც განსაკუთრებული ხიბლი აქვთ _ თითქოს ქალაქის ცენტრია, ირგვლივ დუღს ცხოვრება და მანქანებიც სწრაფად მიექანებიან იქვე, მელიქიშვილის გამზირზე, მაგრამ პატარა ქუჩებს ძველი სიმყუდროვე მაინც აქვთ შემორჩენილი.

ეს სიმყუდროვე, არ ვიცი როგორ, მაგრამ რაღაც მანქანებით მაინც იგრძნობა თარხნიშვილის ქუჩაზე. დიახ, იგრძნობა, მიუხედავად თანამედროვე ნაგებობებისა და საქმიანი რიტმისა. ქუჩის დასაწყისში, აქაურობის ერთ-ერთი ყველაზე ლამაზი და პარიზული სივრცეა განლაგებული, სახელად "ლოტრეკი". თუ აქვე ხართ და მელიქიშვილიდან თარხნიშვილზე შემოუხვიეთ, მარცხნივ გაიხედეთ, მერე აუყევით "ვერე ბიზნესცენტრის" კიბეს და აქ ხართ, "ლოტრეკში". იქ, მყუდრო ტერასაზე დილით თუ "სტარბაქსის" ყავას მიირთმევთ და ცალი თვალით თარხნიშვილის ქუჩის ცხოვრებას ეცნობით, აუცილებლად დაინახავთ ძალიან ლამაზ ქალბატონს, ჩვენი ისტორიის მთავარ გმირს. მისი დილა ყოველთვის აქ იწყება. მაია ტაბაღუა, "ვერე ბიზნესცენტრისა" და "ლოტრეკის" დირექტორია, სრულიად არადირექტორული გარეგნობითა და ყველაზე ხელგაშლილი მასპინძლის ღიმილით. "ლოტრეკის" იდეა ბიზნესცენტრის აშენებისთანავე გაჩნდა იქ, სადაც გავლენიანმა და ცნობილმა საერთაშორისო თუ ქართულმა ბიზნესკომპანიებმა დაიდეს ბინა. ყველაზე ხშირად, თარხნიშვილის ორში თქვენ საქმიანი ვიზიტით ჩამოსულ უცხოელებსა და მათ პარტნიორებს შეხვდებით. სწორედ მათი მოთხოვნის გათვალისწინებით დაკორექტირდა `ლოტრეკის" ევროპული მენიუ და ევროპულ კერძებთან ერთად, კაფე _ რესტორანში ქართული ფიუჟენიც გაჩნდა.





_ სახელის იდეა ვისი იყო? _ ვეკითხებით მაია ტაბაღუას

"ლოტრეკის" ერთ-ერთი დამფუძნებლის, მერაბ ტყეშელაშვილის. სამი დამფუძნებელი ჰყავს აქაურობას _ მერაბ ტყეშელაშვილი, თამაზ ბალაძე და მე. ჩემს შემთხვევაში გადაწყდა, რომ `ლოტრეკის" ხელმძღვანელობასაც ჩავიბარებდი და იმის მიუხედავად, რომ დღის მანძილზე უამრავი საქმეა გასაკეთებელი და ბევრ პროექტში ვარ ჩართული, დილა ყოველთვის აქ იწყება.



იწყება, როგორც მოვყევით, ყავით და განსაკუთრებული დესერტით. მენიუში მას ასე მოძებნით _ "მსხალი წითელ ღვინოში". მაია ტაბაღუა ამბობს, რომ ამ დესერტის ჩანაცვლება მის ცხოვრებაში, პრაქტიკულად, გამორიცხულია.


_ რთულია შექმნა სივრცე, რომელიც სტუმრებისათვის ერთ-ერთი ყველაზე გამორჩეული და საყვარელი ადგილი იქნება?
რთულია ზოგადად ყველაფერი კარგის და ხარისხიანის შექმნა. თუმცა, არა შეუძლებელი. ასეთი ადგილი ჩვენ ბათუმშიც შევქმენით, კვლავ იმპრესიონისტული ხასიათით. მას `კლოდ მონე" ჰქვია. ჩემთვის ნებისმიერი სირთულის საქმე მაინც ადამიანებთან ურთიერთობით იწყება. ასე მგონია, ეს თუ გამოგივიდა, გამოვა სხვა ყველაფერი. აქაც ასეა და ბათუმშიც. როდესაც ბევრი სტუმარია, ჩემი თანამშრომლების გვერდით ვდგავარ, ზუსტად იგივეს ვაკეთებ, რასაც ისინი იმიტომ, რომ მე მათსავით მინდა მოსულ სტუმარს საუკეთესო გარემო და მომსახურება შევთავაზო და ამისთვის ჭურჭლის დარეცხვა იქნება საჭირო, თუ, სიტყვაზე, სამზარეულოში დახმარება, აუცილებლად გავაკეთებ.




საქმიანი რიტმი, პროფესიით ფსიქოლოგის ცხოვრებაში, 2007 წლიდან სამშენებლო ბიზნესით დაიწყო, რომელიც დღემდე გრძელდება. მას სარესტორნე ბიზნესი დაემატა და სულ ახლახანს, სულხან ცინცაძის ქუჩაზე ახლადგახსნილი იტალიური ქიმწმენდა "ჩაო-ჩაოც"


რამ განაპირობა სფეროს ასეთი კარდინალური შეცვლა?
ბანალურად რომ გითხრათ, დრომ მოიტანა. რეალურად კი, ძალიან საინტერესო და აზარტულია. თანაც, მე იმ ადამიანთა რიცხვს მივეკუთვნები, რომელიც ყოველთვის მყარად დგას ფეხზე და საკუთარი თავის იმედი აქვს, ბიზნესსა თუ პირად ცხოვრებაში.
ფეხზე მყარად დგომა და ბიზნესში ყოფნა არანორმირებულ სამუშაო დღესა და ტემპს მოითხოვს. _ მოითხოვს, მაგრამ ამ ყველაფრის კეთება მშვიდადაც შეიძლება. ჩემი დღე იგეგმება დილით. ყველაზე მეტად ცხოვრებაში დღის ეს მონაკვეთი მიყვარს, მომენტი, როცა დღე თენდება. ცხადია, მნიშვნელოვანი შეხვედრები ან გაუთვალისწინებელი პრობლემები სულ ხდება, მაგრამ დაგეგმვა მაინც დღის ამ მონაკვეთში მიყვარს.





დაგეგმილის პირველი პუნქტი "ლოტრეკია", სადაც გუნდთან ერთად განიხილება დღის ლანჩ-მენიუ, კორპორატიული საღამოები, დაბადების დღეები და ქორწილებიც კი. მსჯელობენ და ანახლებენ მუსიკალურ პროგრამას და აუცილებლად აგემოვნებენ შეფმზარეულის მიერ შემოთავაზებულ ახალ კერძს "ლოტრეკისა".  ზაფხულის სეზონი ახლოვდება, რაც იმას ნიშნავს, რომ განსაკუთრებული დატვირთვა კაფე-რესტორნის ერთ-ერთ ყველაზე გამორჩეულ ადგილზე, ღია ტერასაზე გადავა. ის აპრილის ბოლო დღეებიდან იხსნება და გვიან შემოდგომამდე მუშაობს _ სანამ შეგიძლია ლამაზად განათებულ თარხნიშვილის ქუჩას ტერასიდან პლედშემოხვეულმა უყურო და საყვარელი წითელი ღვინო წრუპო.  "ლოტრეკის" მთელი ხიბლი სწორედ ამ გარემოსა და დეტალებშია. როდესაც შენს მაგიდაზე ახლადდაკრეფილი მინდვრის ყვავილები ან იასამნები გხვდება, როცა მიმტანი შენს საყვარელ კენკრის ჩაის მოგართმევს და როდესაც აქაურობის დიასახლისმა ზუსტად იცის, რომ თარხნიშვილის ორში მოსული უკლებლივ ყველა სტუმარი განსაკუთრებულია.



Print ელ-ფოსტა
FaceBook Twitter Google
ამავე კატეგორიაში
"როცა აყვავდა ნუში"...
როგორ შეიძლება რამე კარგი თქვა მოვლენაზე, რომელსაც ერთი ადამიანის სიცოცხლე მაინც ეწირება?
12:03 / 01.05.2020
"როცა აყვავდა ნუში"...
როგორ შეიძლება რამე კარგი თქვა მოვლენაზე, რომელსაც ერთი ადამიანის სიცოცხლე მაინც ეწირება?
12:03 / 01.05.2020
"ყოფიერების აუტანელი სიმსუბუქე"
07:31 / 24.04.2020
"ყოფიერების აუტანელი სიმსუბუქე"
07:31 / 24.04.2020
ჟურნალ
ჟურნალ "სითის" მკითხველები უკვე იცნობენ ქართულ - ამერიკული რეპროდუქციული კლინიკა "რეპროარტის" ექიმებსა და მათ ისტორიებს. ამ ნომერში კლინიკის კიდევ ერთი წარმატებული ექიმის, მეან გინეკოლოგ- რეპროდუქტოლოგ- ენდოკრინოლოგ თამარ ბარბაქაძის სამედიცინო გზაზე გიამბობთ.
14:10 / 14.03.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
სიყვარულით „შატო მერედან”
ჰემინგუეის მონათხრობი
10:39 / 12.06.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
და მიდიოდა დღე კარანტინისა...
"ყოფიერების აუტანელი სიმსუბუქე"
07:31 / 24.04.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ვალუტა
EUR
EUR
1
3.4507
TRY
TRY
1
0.4457
USD
USD
1
3.0594
ამინდი
ბორჯომი 18 °C
img
სოხუმი 21 °C
img
ახალქალაქი 13 °C
img
გამოწერა