ახალი ამბები
მარილი გემოვნებით...ეკა ხოფერიას სარედაქტორო
ეგ როგორ? არა, გადამლაშებულსა და უმარილოს ერთმანეთისგან როგორ არ ვარჩევ. გემრიელი კერძების გემოც ვიცი. გურმანი ვარ _ მეგრული აჯიკაც მიყვარს და ფრანგული "კონფი დე კანარიც".

თეკუნაც ვიცი, მერიკოც, ქეთიც, ენზოც, გურამიც, კონსტანტინეც... "არტიზანის" შოკოლადს თვალახვეული ვიცნობ, "ტაბლას" ხინკლუკებსაც, "ანტრეს" კრუასანს და გოგოების "ლე პონჩიკებსაც".
მაგრამ… მაინც განსაკუთრებული სიტყვათწყობაა ჩემთვის ეს "მარილი-გემოვნებით" და მის უკან მდგომი, საუკუნეების მანძილზე შექმნილი და მუდმივად განახლებადი სამყარო, სახელად კულინარია. დღემდე მისტიკის ტოლფასია ის პროცესი, რასაც ეს ადამიანები ხელის მოძრაობებით, თვალის შევლებით, შეზავებით, გამოგონებებით სჩადიან. ისე შეაზავებენ პიკულის კუბიკებს თაფლთან, ბალზამიკოსთან, ნიორთან, ვაშლთან, ისეთ კომბინაციას ააწყობენ, ერთმანეთთან თითქოს კარდინალურად დაშორებული პროდუქტებისგან, რომ ფანტაზიითაც კი ვერ დაეწევი. მისტიკა და ფანტაზია იქით იყოს და, თქვენს მაგიდასთან მოტანილი თითოეული კერძის უკან უზარმაზარი შრომა, განათლება, გამოცდილება, პროფესიის მიმართ პირნათელი დამოკიდებულება და, ცხადია, სიყვარული დგას. თქვენ კი, უფრო სწორად, ჩვენ კი, ხან "რა ძვირიას" წამოვიძახებთ, ხან "ისე რას", ხან "ფლორენციაში ჯობიას".




ყველას და ყველაფერს არ ვგულისხმობ, ცხადია, მაგრამ ერთი პატარა გუნდი, მართლა უმაგრესი შეფმზარეულებისა და ამ სფეროში მომუშავე ადამიანებისა, ჩვენს ქვეყანას ნამდვილად ჰყავს. სწორედ მათი დამსახურებაა ჩამოსული სტუმარი სიამაყით რომ მიგვყავს ამოჩემებულ ადგილებში. მათი დამსახურებაა ჩვენს ძვირფას და ტრადიციულ სამზარეულოს ახალი სიცოცხლე რომ გაეხსნა. მათი დამსახურებაა ისიც, რომ ამრეზილად ნათქვამი _ "ჩემი შვილი პოვრობას აპირებს" ისეთივე მოვეტონია დღეს, როგორც ჩემს ბავშვობაში "რა გინდა ტელევიზიაში, იქ წესიერი გოგოები არ მუშაობენ", ან, ჩვენი მშობლების ბავშვობაში მსახიობობა არასერიოზულ პროფესიად რომ მიიჩნეოდა. მათი დამსახურებაა, ალბათ, ისიც, რომ ისეთი გავლენიანი ბრენდი, როგორიც Gault Millau-ია, ყდიდან ფრანგულად გვესალმება და საქართველოში შემოსვლას გვამცნობს.




ეს "სითის" პირველი ნომერია, სადაც თავისი პროფესიის ნამდვილი ვარსკვლავები შევკრიბეთ. ეს დასაწყისია და ერთგვარი ექსპერიმენტიც.  მსახიობების, მოდელების, ტელეწამყვანების, დიზაინერების, მომღერლების ან, უბრალოდ, პოპულარული პერსონების გარდა, "სითიში" იმ პროფესიის ადამიანებზეც მოვყვებით, ვინც ჩვენს ქვეყანაში მნიშვნელოვან და ფასდაუდებელ საქმეს აკეთებს. ამ პროფესიების ჩამონათვალი დიდია და ჩვენც ნელ-ნელა მივუყვებით.  ჩაიკითხეთ ეს ნომერი ბოლომდე, მერე კი, გულწრფელად მითხარით, _ მარილი დავაკელი, ზედმეტი მომივიდა, თუ მაინც გემოვნების მიხედვით გამომივიდა.

Print ელ-ფოსტა
FaceBook Twitter Google
ამავე კატეგორიაში
წინასაახლო ნომერში ჩვენ გაგაცნობთ
IWA - ქალთა საერთაშორისო ასოციაციის საქმიანობას
საქართველოში. ასოციაციას წელს საიუბილეო თარიღი აქვს.
წინასაახლო ნომერში ჩვენ გაგაცნობთ IWA - ქალთა საერთაშორისო ასოციაციის საქმიანობას საქართველოში. ასოციაციას წელს საიუბილეო თარიღი აქვს.
11:31 / 05.01.2022
არსებობენ ფიქრები, ქმედებები და
ემოციები. ჩვენ მათ ვიყენებთ და ვარსებობთ. ისინი ჩვენს ცხოვრებას
განსაზღვრავენ.
არსებობენ ფიქრები, ქმედებები და ემოციები. ჩვენ მათ ვიყენებთ და ვარსებობთ. ისინი ჩვენს ცხოვრებას განსაზღვრავენ.
10:10 / 30.11.2021
არსებობენ ფიქრები, ქმედებები და
ემოციები. ჩვენ მათ ვიყენებთ და ვარსებობთ. ისინი ჩვენს ცხოვრებას
განსაზღვრავენ.
არსებობენ ფიქრები, ქმედებები და ემოციები. ჩვენ მათ ვიყენებთ და ვარსებობთ. ისინი ჩვენს ცხოვრებას განსაზღვრავენ.
10:10 / 30.11.2021
"შენობა გავხვრიტეთ, ამწე შევიყვანეთ და 8 ტონიანი ტომოგრაფი რამდენიმე სართულით ქვევით უსაფრთხოდ ჩავიტანეთ" მართლაც კოსმოსურ ამბავს უზიარებდა ამ ზაფხულს თოდუას კლინიკის ხელმძღვანელი, გიორგი დიასამიძე მის მრავალრიცხოვან მეგობრებს ფეისბუქ სივრცეში. 8 ტონიანი ტომოგრაფის უსაფრთხოდ დაშვება მიგვანიშნებს იმ მასშტაბებსა და ხარისხზე, რომლითაც საზოგადოების წინაშე ახალი ვარსკვლავი წარსდგება - "თოდუას კლინიკა ვერაზე".

სახელგანთქმული, 30 წლიანი ისტორიის მქონე "თოდუას კლინიკის" ფილიალი ვერაზე, იაკობ ნიკოლაძის 10 ნომერში იხსნება. ბინა მან ყოფილი სასტუმროს შენობაში დაიდო და თავისი არსით ბევრად მეტია, ვიდრე უბრალოდ ფილიალი. ეს არის 8 სართულზე განთავსებული, გარე იერსახე შენარჩუნებული, სრულად შეცვლილი და მოდერნიზებული შიდა სივრცე. ამბავს ახალი სივრცის შესახებ მისი ხელმძღვანელი, მედეა ანთელავა გვიყვება:

- ვერის უბანს არ მოუხდებოდა გარე ფასადის შეცვლა. ამიტომ ის პრაქტიკულად, უცვლელი დავტოვეთ. აი შიგნით, ყველაფერი შეცვლილია სრულიად ახალი ხედვის, კონცეფციისა და დიზაინის მიხედვით.

- როგორც წესი, კლინიკები ცენტრიდან გარეუბნებში გადადიან, გაფართოებისა და სხვა მიზეზების გამო. თუ არ ვცდები, პირველები ხართ, ვინც მულტიფუნქციური სივრცით ცენტრში შემოდიხართ.

- "თოდუას კლინიკა ვერაზე" - ეს ჩვენი პაციენტების იდეით შექმნილი კლინიკაა. ამ იდეებს მოუყარა თავი გუნდის ხელმძღვანელმა, გიორგი დიასამიძემ. დღეს, როდესაც დრო ასე ცოტაა, ყველა მექანიზმით მის დაზოგვას ვცდილობთ. პაციენტები ხშირად გვეუბნებოდნენ, რომ საცობების გამო ჩვენს ცენტრალურ კლინიკაში მოსასვლელად ბევრი დრო ეხარჯებოდათ. კარგი იქნებოდა ამ ტიპის და ხარისხის მომსახურება ქალაქის ცენტრალურ უბნებთან ახლოს ჰქონოდათ. ვუსმენდით, ვფიქრობდით, ვეძებდით ადგილს და ნელ-ნელა მოვდიოდით ამ გადაწყვეტილებისკენ.

სივრცე ვერის შუაგულში, იაკობ ნიკოლაძის ქუჩაზე გამოჩნდა. უბნის არქიტექტურული ხასიათიდან რომ არ ამოვარდნილიყვნენ, ფასადი იგივე დატოვეს. შიგნით, 8 სართულზე კი, მასშტაბური რეკონსტრუქცია დაიწყო.

შესასვლელში დიდი გაშლილი სივრცე დაგხვდებათ დიზაინით, რომელიც თქვენ არცერთ კლინიკაში არ გინახავთ. ერთმანეთთან თანაარსებობენ ქვა, ხე, მუქი და რბილი ფერების გრადაცია, მცენარეები, დიდი ვიტრაჟებიდან შემოსული ბუნებრივი განათება, ღია ვერანდები, კაფეტერია, სასტუმროს ტიპის ოთახები, ავეჯი სხვადასხვა ფაქტურის ტექსტილით და ხავერდით, საინტერესო აქსესუარები თაროებზე... შემოსვლისთანავე ხვდებით, რომ კონცეპტუალურად ახალ სივრცეში ხართ. აქაურობის ხელმძღვანელიც ძლიერ ორგანულია ამ სივრცისთვის - მედეა ანთელავა გახლავთ "ვერის თოდუას კლინიკის" მასპინძელი და მთავარი მენეჯერი. სამედიცინო წრეებში ეს სახელი და გვარი პრაქტიკულად ყველასთვისაა ცნობილი. ერთი, რომ მედეა ცნობილი სამედიცინო ოჯახის წარმომადგენელია, მეორე კი ის, რომ 12 წელია მედეა ანთელავა კლინიკური კვლევების დეპარტამენტში მუშაობს. პროფესიონალიზმი, ყველა დეტალისა და ნიუანსის ორგანიზება, უსაზღვრო დისციპლინირებულობა და პაციენტის ჯანმრთელობაზე ორიენტირება - ეს თვისებები თუ არ გაქვს, ამ მიმართულებით ვერ იმუშავებ.

- როგორ გგონიათ, რა კუთხით დაგეხმარებათ ეს გამოცდილება კლინიკის ხელმძღვანელის ამპლუაში?

- ვფიქრობ, ცოტ-ცოტა ყველაფრით. მენეჯმენტი დეტალებისგან შედგება. მათი ერთობლიობა განაპირობებს კარგ და გამართულ მართვას. ყველა ნიუანსი უნდა გათვალო და არაფერი გამოგეპაროს. მთავარი კი ისაა, რომ რეალურად პაციენტზე იყო ორიენტირებული, მის ჯანმრთელობაზე. ისე მოაწყო ყველაფერი, რომ მაქსიმალურად გაუმარტივო გზა სასურველი შედეგის მიღწევამდე. უნდა იგრძნოს, რომ ამ კლინიკაში მის გვერდით არიან, მასზე ფიქრობენ.

გიორგი დიასამიძე, თოდუას კლინიკის ხელმძღვანელი, ყურადღებით უსმენს მისი ახალი კლინიკის ჭკვიან, საქმიან და ძალიან მომხიბვლელ ახალ მენეჯერს. ჩანს, რომ ამ თემებზე მათ საკმაოდ ბევრი უსაუბრიათ.

- იმის თქმა, რომ ამ კლინიკაში ჩვენ საუკეთესო აპარატურა გვექნება და საუკეთესო ექიმები გვეყოლება მგონია, რომ არც არის საჭირო. ეს თავისთავად იგულისხმება. რისი კლინიკა ხარ, თუ შენ ამას არ უზრუნველყოფ. მთავარი, რაც დღეს პაციენტს სჭირდება ეს ემპათიაა ექიმისა და კლინიკის წარმომადგენელთა მხრიდან. ამაზეა აგებული ყველაფერი და აქეთ მივდივართ ჩვენც - დასძენს ის.

ეს თავისთავად. თუმცა, მოდით აღვნიშნოთ ისიც, რომ კლინიკა, რომელზეც ახლა ჩვენ ვსაუბრობთ, მართლაც ლიდერია თანამედროვე აპარატურის თუ მეთოდების დანერგვის კუთხით და აქ თავმოყრილი ცნობილი და პროფესიონალი ექიმების თვალსაზრისითაც. მედეა ანთელავა ამბობს, რომ "თოდუას კლინიკას ვერაზე" საკუთარი ვარსკვლავები ეყოლება. აქ სახელებსა და გვარებს არ ჩამოვთვლით, მალე თავად შეიტყობთ მათ შესახებ.

მაშ ასე, 8 სართული. რა მოხდება ამ 8 სართულზე? თქვენი დროის დაზოგვის მიზნით, მხოლოდ რამდენიმე მიმართულებაზე შევჩერდებით.

იქნება ყველაფერი ის, რაც უნდა იყოს პრევენციული მედიცინისთვის განკუთვნილ მულტიფუნქციურ სივრცეში.

დავიწყოთ ე.წ. ჩექაფით, ანუ ჯანმრთელობის გამოკვლევით.
აქ მას მთელი სართული დაეთმობა. ჩექაფზე, როგორც წესი, მოდიან ოჯახები, მოდიან საქმიანი ადამიანები... ჩვენ ისე მოვაწყვეთ, რომ ყველა პაციენტს თავისი ოთახი ექნება. სასტუმროსავით კეთილმოწყობილი, კომფორტული და ჩექაფის ძირითადი ნაწილი ამ ოთახში გაივლის. აქ შემოვლენ ექიმები, ჩაუტარებენ კონსულტაციას. გარკვეულ გამოკვლევებსა და დიაგნოსტიკას, ცხადია, პაციენტი სხვა სივრცეში ჩაიტარებს. პრინციპი ისაა, რომ დროის დაზოგვით ის ბევრ რამეს მოასწრებს. შეუძლია აქვე იმუშაოს, იყოს მისი ოჯახის წევრთან ან ახლობელთან ერთად - ყვება ამ სივრცის შესახებ მედეა ანთელავა და დასძენს, რომ "თოდუას კლინიკა ვერაზე" აქცენტს პედიატრიაზეც გააკეთებს. იმატა ბავშვების ჩექაფის მოთხოვნამ. ეს იდეა, ასევე პაციენტებისგან წამოვიდა. მშობელს საშუალება ექნება ოპტიმალურ დროში სასურველი და საჭირო კვლევები და დიაგნოსტიკა ჩაუტაროს ბავშვს. ჩვენი გუნდი ნელ-ნელა მიდის პედიატრიის მიმართულების გაძლიერებისკენ. ეს მხოლოდ პირველი ნაბიჯია.

ყოველი ოთახიდან, რომელიც ძალიან გემოვნებიანი დიზაინითაა გაწყობილი, დიდვიტრაჟებიანი კარით აივანზე გადიხართ. ექიმებთან კონსულტაციებსა და გამოკვლევებს შორის შესვენების დროც შეგიძლიათ თავად განსაზღვროთ. კარგი ამინდის შემთხვევაში ღია ვერანდაზეც შეძლებთ მიირთვათ ლანჩი ან ისადილოთ.

შემდეგი მნიშვნელოვანი და ერთგვარად ექსკლუზიური თემაა ახალი ტიპის სერვისი მათთვის, ვისაც სრული გამოკვლევა არ სურს, მაგრამ ერთდროულად ორი ან სამი კვლევის თუ კონსულტაციის მიღება სჭირდება. უკვე დატრენინგდა და თქვენთან შესახვედრად მზად არის ჯანმრთელობის პერსონალურ მენეჯერთა გუნდი. ეს სერვისი ცოტათი პერსონალურ ბანკირთა სერვისს წააგავს. თქვენ წინასწარ ეწერებით და თქვენი ჯანმრთელობის პერსონალური მენეჯერი გიდგენთ გრაფიკს. არ გიწევთ რიგში დგომა, ლოდინი სხვადასხვა სახის დიაგნოსტიკასა თუ კონსულტაციას შორის. რამდენიმე საათში იღებთ ამ მომსახურებას. ეს ახალი, ერთგვარი პრემიუმ პაკეტია. სურვილის შემთხვევაში პაციენტი მას მიიღებს ვერის ფილიალში.

"თოდუას კლინიკის" ერთ-ერთი ძლიერი მხარე ონკოლოგია, ცხადია ვერის კლინიკაშიც იქნება წარმოდგენილი. ბევრია პაციენტი, რომელსაც შორს სიარული უჭირს და მათთვის ახალი ლოკაცია ძალიან მოსახერხებელი იქნება.

კიდევ ერთი სივრცე "თოდუას ვერის კლინიკაში" ეს პლასტიკური ქირურგიის სართულია. ის ბოლო, მერვე სართულზე განთავსდება. აქაურობის ვარსკვლავზე გვიყვება მედეა ანთელავა: - ეს უახლესი აპარატურაა, 3D მოდელირების სისტემის. მისი საშუალებით თქვენ შეგიძლიათ ოპერაციულ ჩარევამდე ნახოთ როგორ "ჩაჯდება" ესა თუ ის ორგანო თქვენს სახესა თუ სხეულში. იქნება ეს ცხვირი, იქნება ეს მკერდი... ამას გარდა, ამ უახლესი ტექნოლოგიის საშუალებით, სახეზე ფილერის ან გნებავთ ბოტოქსის დამატების ეფექტსაც კი ნახავთ წინასწარ... უყურებ ეკრანზე საკუთარ სახეს და ექიმთან ერთად აფასებ, მოუხდება ესა თუ ის ჩარევა თქვენს სახეს თუ - არა, სად და რა ოდენობით ჯობს დაიმატოთ ფილერი. კოსმოსია ნამდვილი, ქალების კოსმოსი, თუმცა, ალბათ უკვე კაცებისაც.

იაკობ ნიკოლაძის ქუჩაზე დაბინავებული "თოდუას კლინიკა ვერაზე" მხოლოდ დასაწყისია. დასაწყისია ამ მრავალწლიანი და ძლიერი ბრენდის, "თოდუას კლინიკის" ფილიალების გახსნისა თბილისის სხვადასხვა უბანში. ფილიალები, სამომავლოდ, შესაძლოა საქართველოს დიდ ქალაქებშიც გაიხსნას. წინ სამედიცინო ტურიზმის თემაც გახლავთ. გეგმა ბევრია, გუნდი ძლიერი, მენეჯერი ენერგიული - ყველა წინაპირობაა წარმატებისთვის, რომელსაც სახელად თქვენი ჯანმრთელობა ჰქვია.


ავტორი: ნათია გაბუნია
ფოტო: LIG Studio
გადაღების ადგილი: თოდუას კლინიკა ვერაზე, Radisson Blu Iveria

11:15 / 18.10.2021
"შენობა გავხვრიტეთ, ამწე შევიყვანეთ და 8 ტონიანი ტომოგრაფი რამდენიმე სართულით ქვევით უსაფრთხოდ ჩავიტანეთ" მართლაც კოსმოსურ ამბავს უზიარებდა ამ ზაფხულს თოდუას კლინიკის ხელმძღვანელი, გიორგი დიასამიძე მის მრავალრიცხოვან მეგობრებს ფეისბუქ სივრცეში. 8 ტონიანი ტომოგრაფის უსაფრთხოდ დაშვება მიგვანიშნებს იმ მასშტაბებსა და ხარისხზე, რომლითაც საზოგადოების წინაშე ახალი ვარსკვლავი წარსდგება - "თოდუას კლინიკა ვერაზე".

სახელგანთქმული, 30 წლიანი ისტორიის მქონე "თოდუას კლინიკის" ფილიალი ვერაზე, იაკობ ნიკოლაძის 10 ნომერში იხსნება. ბინა მან ყოფილი სასტუმროს შენობაში დაიდო და თავისი არსით ბევრად მეტია, ვიდრე უბრალოდ ფილიალი. ეს არის 8 სართულზე განთავსებული, გარე იერსახე შენარჩუნებული, სრულად შეცვლილი და მოდერნიზებული შიდა სივრცე. ამბავს ახალი სივრცის შესახებ მისი ხელმძღვანელი, მედეა ანთელავა გვიყვება:

- ვერის უბანს არ მოუხდებოდა გარე ფასადის შეცვლა. ამიტომ ის პრაქტიკულად, უცვლელი დავტოვეთ. აი შიგნით, ყველაფერი შეცვლილია სრულიად ახალი ხედვის, კონცეფციისა და დიზაინის მიხედვით.

- როგორც წესი, კლინიკები ცენტრიდან გარეუბნებში გადადიან, გაფართოებისა და სხვა მიზეზების გამო. თუ არ ვცდები, პირველები ხართ, ვინც მულტიფუნქციური სივრცით ცენტრში შემოდიხართ.

- "თოდუას კლინიკა ვერაზე" - ეს ჩვენი პაციენტების იდეით შექმნილი კლინიკაა. ამ იდეებს მოუყარა თავი გუნდის ხელმძღვანელმა, გიორგი დიასამიძემ. დღეს, როდესაც დრო ასე ცოტაა, ყველა მექანიზმით მის დაზოგვას ვცდილობთ. პაციენტები ხშირად გვეუბნებოდნენ, რომ საცობების გამო ჩვენს ცენტრალურ კლინიკაში მოსასვლელად ბევრი დრო ეხარჯებოდათ. კარგი იქნებოდა ამ ტიპის და ხარისხის მომსახურება ქალაქის ცენტრალურ უბნებთან ახლოს ჰქონოდათ. ვუსმენდით, ვფიქრობდით, ვეძებდით ადგილს და ნელ-ნელა მოვდიოდით ამ გადაწყვეტილებისკენ.

სივრცე ვერის შუაგულში, იაკობ ნიკოლაძის ქუჩაზე გამოჩნდა. უბნის არქიტექტურული ხასიათიდან რომ არ ამოვარდნილიყვნენ, ფასადი იგივე დატოვეს. შიგნით, 8 სართულზე კი, მასშტაბური რეკონსტრუქცია დაიწყო.

შესასვლელში დიდი გაშლილი სივრცე დაგხვდებათ დიზაინით, რომელიც თქვენ არცერთ კლინიკაში არ გინახავთ. ერთმანეთთან თანაარსებობენ ქვა, ხე, მუქი და რბილი ფერების გრადაცია, მცენარეები, დიდი ვიტრაჟებიდან შემოსული ბუნებრივი განათება, ღია ვერანდები, კაფეტერია, სასტუმროს ტიპის ოთახები, ავეჯი სხვადასხვა ფაქტურის ტექსტილით და ხავერდით, საინტერესო აქსესუარები თაროებზე... შემოსვლისთანავე ხვდებით, რომ კონცეპტუალურად ახალ სივრცეში ხართ. აქაურობის ხელმძღვანელიც ძლიერ ორგანულია ამ სივრცისთვის - მედეა ანთელავა გახლავთ "ვერის თოდუას კლინიკის" მასპინძელი და მთავარი მენეჯერი. სამედიცინო წრეებში ეს სახელი და გვარი პრაქტიკულად ყველასთვისაა ცნობილი. ერთი, რომ მედეა ცნობილი სამედიცინო ოჯახის წარმომადგენელია, მეორე კი ის, რომ 12 წელია მედეა ანთელავა კლინიკური კვლევების დეპარტამენტში მუშაობს. პროფესიონალიზმი, ყველა დეტალისა და ნიუანსის ორგანიზება, უსაზღვრო დისციპლინირებულობა და პაციენტის ჯანმრთელობაზე ორიენტირება - ეს თვისებები თუ არ გაქვს, ამ მიმართულებით ვერ იმუშავებ.

- როგორ გგონიათ, რა კუთხით დაგეხმარებათ ეს გამოცდილება კლინიკის ხელმძღვანელის ამპლუაში?

- ვფიქრობ, ცოტ-ცოტა ყველაფრით. მენეჯმენტი დეტალებისგან შედგება. მათი ერთობლიობა განაპირობებს კარგ და გამართულ მართვას. ყველა ნიუანსი უნდა გათვალო და არაფერი გამოგეპაროს. მთავარი კი ისაა, რომ რეალურად პაციენტზე იყო ორიენტირებული, მის ჯანმრთელობაზე. ისე მოაწყო ყველაფერი, რომ მაქსიმალურად გაუმარტივო გზა სასურველი შედეგის მიღწევამდე. უნდა იგრძნოს, რომ ამ კლინიკაში მის გვერდით არიან, მასზე ფიქრობენ.

გიორგი დიასამიძე, თოდუას კლინიკის ხელმძღვანელი, ყურადღებით უსმენს მისი ახალი კლინიკის ჭკვიან, საქმიან და ძალიან მომხიბვლელ ახალ მენეჯერს. ჩანს, რომ ამ თემებზე მათ საკმაოდ ბევრი უსაუბრიათ.

- იმის თქმა, რომ ამ კლინიკაში ჩვენ საუკეთესო აპარატურა გვექნება და საუკეთესო ექიმები გვეყოლება მგონია, რომ არც არის საჭირო. ეს თავისთავად იგულისხმება. რისი კლინიკა ხარ, თუ შენ ამას არ უზრუნველყოფ. მთავარი, რაც დღეს პაციენტს სჭირდება ეს ემპათიაა ექიმისა და კლინიკის წარმომადგენელთა მხრიდან. ამაზეა აგებული ყველაფერი და აქეთ მივდივართ ჩვენც - დასძენს ის.

ეს თავისთავად. თუმცა, მოდით აღვნიშნოთ ისიც, რომ კლინიკა, რომელზეც ახლა ჩვენ ვსაუბრობთ, მართლაც ლიდერია თანამედროვე აპარატურის თუ მეთოდების დანერგვის კუთხით და აქ თავმოყრილი ცნობილი და პროფესიონალი ექიმების თვალსაზრისითაც. მედეა ანთელავა ამბობს, რომ "თოდუას კლინიკას ვერაზე" საკუთარი ვარსკვლავები ეყოლება. აქ სახელებსა და გვარებს არ ჩამოვთვლით, მალე თავად შეიტყობთ მათ შესახებ.

მაშ ასე, 8 სართული. რა მოხდება ამ 8 სართულზე? თქვენი დროის დაზოგვის მიზნით, მხოლოდ რამდენიმე მიმართულებაზე შევჩერდებით.

იქნება ყველაფერი ის, რაც უნდა იყოს პრევენციული მედიცინისთვის განკუთვნილ მულტიფუნქციურ სივრცეში.

დავიწყოთ ე.წ. ჩექაფით, ანუ ჯანმრთელობის გამოკვლევით.
აქ მას მთელი სართული დაეთმობა. ჩექაფზე, როგორც წესი, მოდიან ოჯახები, მოდიან საქმიანი ადამიანები... ჩვენ ისე მოვაწყვეთ, რომ ყველა პაციენტს თავისი ოთახი ექნება. სასტუმროსავით კეთილმოწყობილი, კომფორტული და ჩექაფის ძირითადი ნაწილი ამ ოთახში გაივლის. აქ შემოვლენ ექიმები, ჩაუტარებენ კონსულტაციას. გარკვეულ გამოკვლევებსა და დიაგნოსტიკას, ცხადია, პაციენტი სხვა სივრცეში ჩაიტარებს. პრინციპი ისაა, რომ დროის დაზოგვით ის ბევრ რამეს მოასწრებს. შეუძლია აქვე იმუშაოს, იყოს მისი ოჯახის წევრთან ან ახლობელთან ერთად - ყვება ამ სივრცის შესახებ მედეა ანთელავა და დასძენს, რომ "თოდუას კლინიკა ვერაზე" აქცენტს პედიატრიაზეც გააკეთებს. იმატა ბავშვების ჩექაფის მოთხოვნამ. ეს იდეა, ასევე პაციენტებისგან წამოვიდა. მშობელს საშუალება ექნება ოპტიმალურ დროში სასურველი და საჭირო კვლევები და დიაგნოსტიკა ჩაუტაროს ბავშვს. ჩვენი გუნდი ნელ-ნელა მიდის პედიატრიის მიმართულების გაძლიერებისკენ. ეს მხოლოდ პირველი ნაბიჯია.

ყოველი ოთახიდან, რომელიც ძალიან გემოვნებიანი დიზაინითაა გაწყობილი, დიდვიტრაჟებიანი კარით აივანზე გადიხართ. ექიმებთან კონსულტაციებსა და გამოკვლევებს შორის შესვენების დროც შეგიძლიათ თავად განსაზღვროთ. კარგი ამინდის შემთხვევაში ღია ვერანდაზეც შეძლებთ მიირთვათ ლანჩი ან ისადილოთ.

შემდეგი მნიშვნელოვანი და ერთგვარად ექსკლუზიური თემაა ახალი ტიპის სერვისი მათთვის, ვისაც სრული გამოკვლევა არ სურს, მაგრამ ერთდროულად ორი ან სამი კვლევის თუ კონსულტაციის მიღება სჭირდება. უკვე დატრენინგდა და თქვენთან შესახვედრად მზად არის ჯანმრთელობის პერსონალურ მენეჯერთა გუნდი. ეს სერვისი ცოტათი პერსონალურ ბანკირთა სერვისს წააგავს. თქვენ წინასწარ ეწერებით და თქვენი ჯანმრთელობის პერსონალური მენეჯერი გიდგენთ გრაფიკს. არ გიწევთ რიგში დგომა, ლოდინი სხვადასხვა სახის დიაგნოსტიკასა თუ კონსულტაციას შორის. რამდენიმე საათში იღებთ ამ მომსახურებას. ეს ახალი, ერთგვარი პრემიუმ პაკეტია. სურვილის შემთხვევაში პაციენტი მას მიიღებს ვერის ფილიალში.

"თოდუას კლინიკის" ერთ-ერთი ძლიერი მხარე ონკოლოგია, ცხადია ვერის კლინიკაშიც იქნება წარმოდგენილი. ბევრია პაციენტი, რომელსაც შორს სიარული უჭირს და მათთვის ახალი ლოკაცია ძალიან მოსახერხებელი იქნება.

კიდევ ერთი სივრცე "თოდუას ვერის კლინიკაში" ეს პლასტიკური ქირურგიის სართულია. ის ბოლო, მერვე სართულზე განთავსდება. აქაურობის ვარსკვლავზე გვიყვება მედეა ანთელავა: - ეს უახლესი აპარატურაა, 3D მოდელირების სისტემის. მისი საშუალებით თქვენ შეგიძლიათ ოპერაციულ ჩარევამდე ნახოთ როგორ "ჩაჯდება" ესა თუ ის ორგანო თქვენს სახესა თუ სხეულში. იქნება ეს ცხვირი, იქნება ეს მკერდი... ამას გარდა, ამ უახლესი ტექნოლოგიის საშუალებით, სახეზე ფილერის ან გნებავთ ბოტოქსის დამატების ეფექტსაც კი ნახავთ წინასწარ... უყურებ ეკრანზე საკუთარ სახეს და ექიმთან ერთად აფასებ, მოუხდება ესა თუ ის ჩარევა თქვენს სახეს თუ - არა, სად და რა ოდენობით ჯობს დაიმატოთ ფილერი. კოსმოსია ნამდვილი, ქალების კოსმოსი, თუმცა, ალბათ უკვე კაცებისაც.

იაკობ ნიკოლაძის ქუჩაზე დაბინავებული "თოდუას კლინიკა ვერაზე" მხოლოდ დასაწყისია. დასაწყისია ამ მრავალწლიანი და ძლიერი ბრენდის, "თოდუას კლინიკის" ფილიალების გახსნისა თბილისის სხვადასხვა უბანში. ფილიალები, სამომავლოდ, შესაძლოა საქართველოს დიდ ქალაქებშიც გაიხსნას. წინ სამედიცინო ტურიზმის თემაც გახლავთ. გეგმა ბევრია, გუნდი ძლიერი, მენეჯერი ენერგიული - ყველა წინაპირობაა წარმატებისთვის, რომელსაც სახელად თქვენი ჯანმრთელობა ჰქვია.


ავტორი: ნათია გაბუნია
ფოტო: LIG Studio
გადაღების ადგილი: თოდუას კლინიკა ვერაზე, Radisson Blu Iveria

11:15 / 18.10.2021

პოპულარული
ეს დღე ისე მახსოვს, თითქოს გუშინ იყო...
07:18 / 19.10.2017
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
ირმა გელანტია-ახვლედიანი
ჩემი ისტორია იწყება აფხაზეთით... არასდროს შევეგუო "არაფრის კეთების" პოლიტიკას! არის ჩემი შინაგანი ხმა... ხმა, რომელიც მოტივაციას მაძლევს დღეს საქმე ვაკეთო უკეთ, ვიდრე გუშინ. 
12:24 / 22.01.2022
ქალთა საერთაშორისო ასოციაცია IWA  - 25 წელი საქართველოში
წინასაახლო ნომერში ჩვენ გაგაცნობთ IWA - ქალთა საერთაშორისო ასოციაციის საქმიანობას საქართველოში. ასოციაციას წელს საიუბილეო თარიღი აქვს.
11:31 / 05.01.2022
ჩემი ზაფხულის ვირტუალური არდადეგები და შემოდგომის პირველი "სითი"
ზაფხულის არდადეგები უჩვეულოდ გავატარე. ვიყავი ყველა იმ უსაყვარლეს საკურორტო ადგილას, სადაც მინდოდა ყოფნა.
19:48 / 15.10.2021
ნიცას "კრებული" ყაზბეგში
ნიცა ქარჩავა, სასტუმრო "კრებულის" მფლობელი.
10:19 / 15.07.2021
თიკო დიდავა - მრავალპროფილური ასპარეზი
6 საქმიანი მიმართულება ერთდროულად. ყველა მნიშვნელოვანი, განსაკუთრებული და საპასუხისმგებლო.
08:37 / 10.08.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« იანვარი 2022 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ვალუტა
EUR
EUR
1
3.4908
TRY
TRY
1
0.2297
USD
USD
1
3.0794
ამინდი
ბორჯომი -4 °C
img
სოხუმი 7 °C
img
ახალქალაქი -13 °C
img
გამოწერა