ახალი ამბები
"აკუსტიკა"
ერთ დღეს, დედაჩემმა დამირეკა და მთხოვა მისთვის "აკუსტიკის" დისკი ჩამეწერა. თან დააყოლა, - არცერთი სიმღერა არ გამოგრჩესო.
გამიკვირდა, რადგან ვიცი, ტელევიზორს თითქმის არასოდეს უყურებს. დარწმუნებული ვარ, ამ საკითხში ბევრი თანამოაზრე ჰყავს. იშვიათად მახსენდება, საცობში ყოფნისას, რომელიმე მანქანიდან "აკუსტიკის" მუსიკის ხმა არ ისმოდეს. ჩვენს, პოლიტიკურ - სოციალური ამბებით გადატვირთულ ცხოვრებაში, რომელიც შემდეგ უხვად აისახება ხოლმე სატელევიზიო სივრცეშიც, ასეთი მუსიკალური პლატფორმის არსებობა ნამდვილად დიდი ფუფუნებაა. "აკუსტიკას" უსმენს თითქმის ყველა ასაკის ადამიანი. თუ დააკვირდებით, სოციალურ ქსელშიც ყოველთვის აღმოვაჩენთ მინიმუმ ერთ მეგობარს, რომელსაც გადაცემის ვიდეო აქვს გაზიარებული. პირადად მე, ამ გადაცემის ასეთი წარმატება არ მიკვირს, რადგან მისი ავტორი და მთავარი მუსიკალური პროდიუსერი გიორგი ასანიშვილია. ვიცი, ყველა დამეთახმება, რომ მუსიკის სფეროში მსგავსი პროფესიონალი და ასეთი დიდი გამოცდილების ადამიანი ცოტაა.
გემოვნებიანი ვიზუალი, საინტერესო წამყვანები, ნიჭიერი მუსიკოსები და რაც მთავარია, ხარისხიანი მუსიკა - ეს "აკუსტიკის" სავიზიტო ბარათია. მოდით ერთად გავიგოთ როგორ შეიქმნა გადაცემა, რომელმაც მასშტაბური პოპულარობა და აუდიტორიის დიდი სიყვარული დაიმსახურა.

მარი ბოლქვაძე, "აკუსტიკის" აღმასრულებელი პროდიუსერი


- გადაცემა "აკუსტიკის" შექმნის გადაწყვეტილება მაშინ მივიღეთ, როცა საზოგადოებრივმა მაუწყებელმა რამდენიმე ჟანრის გადაცემაზე კონკურსი გამოაცხადა. ჩვენ გადავწყვიტეთ დაგვეწერა პროექტი, რომელიც იქნებოდა მუსიკაზე, თან იქნებოდა საინტერესო ხერხით მიწოდებული. გვინდოდა ვიზუალურად ყოფილიყო გამორჩეული და სივრცე დაგვეთმო მუსიკოსებისთვის, რომლებმაც არ იცოდნენ სად გაეჟღერებინათ თავიანთი მუსიკა. 2018 წლის მარტში პირველი გადაცემაც გავიდა. პროექტს თავიდანვე დიდი გამოხმაურება მოჰყვა. ჩვენი გუნდის მიზანი ხარისხიანი მუსიკის წინ წამოწევა იყო. "აკუსტიკის" გუნდი, გიორგი ასანიშვილის ხელმძღვანელობით, მუდმივად ვახდენთ სხვადასხვა ჟანრის სინთეზს. მაგალითად, ხალხური სიმღერების მომღერლები დავაკავშირეთ ჯაზმომღერლებთან,როკმომღერლებთან. ჩვენ არ ვუშინდებით მუსიკალურ ექსპერიმენტებს, რადგან წინასწარ ვიცით შედეგიც და უმეტეს შემთხვევაში, ამან გაამართლა. "აკუსტიკის" ერთ - ერთი მიზანი ეთნიკური უმცირესობების მუსიკის ხელშეწყობაა. ჩვენ ჩავწერეთ არაერთი დუეტი საქართველოში მცხოვრები ეთნიკური უმცირესობის წარმომადგენელი მუსიკოსებისა და ქართველი პოპულარული მომღერლების მონაწილეობით. ამით ვცდილობთ მათ ინტეგრაციას ჩვენს მუსიკოსებთან. "აკუსტიკის" გუნდისთვის ყველაზე მნიშვნელოვანია აღმოაჩინოს ახალი მუსიკოსი, წარმოაჩინოს ძველი სიმღერების ახლებური ხედვა და ხელი შეუწყოს საავტორო მუსიკას. იმ წარმატების მიღმა,რომელსაც ჩვენ მივაღწიეთ, 24 საათიანი გუნდური მუშაობაა. ჩვენ ყოველდღე ვთათბირობთ, სულ ძიების პროცესში ვართ და გუნდური გადაწყვეტილების მიღების გარეშე არ ვმოქმედებთ. რაც მთავარია, ყველაფრის თავი და თავი არის მთავარი პროდიუსერი გიორგი ასანიშვილი, რომელიც "აკუსტიკის" სულისჩამდგმელია. გვყავს ძალიან საინტერესო რეჟისორი, ზაზა ორაშვილი და მისი ასისტენტი ლუკა სტურუა, რომლებიც ყოველდღე ახალი ადგილების აღმოჩენაში არიან. სწორედ მათი დამსახურებით ხდება ვიდეოების არაოდინალურ, ლამაზ გარემოში გადაღება. გვყავს ძალიან პროფესიონალი ხმის რეჟისორები. ყველა ამ ვიდეოს უკან, კიდევ ერთი პროდიუსერი, ნინჩო ფირცხალავა დგას. ასევე, ძალიან გვეხმარება პროდიუსერის ასისტენტი სალომე ბენდიაშვილი, სცენარის ავტორი ვახო ხვიჩია და რაც მთავარია, ჩვენი არაჩვეულებრივი წამყვანები - მებო ნუცუბიძე და მაკო მჭედლიშვილი. ერთ-ერთი მნიშვნელოვანი გეგმა, რომელზეც ახლა "აკუსტიკა" მუშაობს, მისი მობილური აპლიკაციის შექმნაა. ამით მუსიკის მოყვარულებსა და ჩვენს ერთგულ მსმენელებს "აკუსტიკის" მუსიკის მუდამ თან ქონის შესაძლებლობას მივცემთ.

ვახო ხვიჩია - "აკუსტიკის" სცენარის ავტორი


- ბევრი მუსიკალური გადაცემის გახსენება შეიძლება, რომლებმაც, რაღაც პერიოდის შემდეგ, აქტუალობა დაკარგეს. ამის უამრავი მიზეზი არსებობს, მაგრამ მთავარი, ალბათ, მუსიკასთან, როგორც სამომხმარებლო პროდუქტთან,ზედაპირული დამოკიდებულებაა. სამწუხაროდ, ეს ნათლად ჩანს ხოლმე ეკრანზე და აზიანებს თანამედროვე ქართული მუსიკის განვითარებას.

ის, რომ "აკუსტიკა" მაყურებლებში მუდმივი ინტერესის საგანია, უპირველესად, პროექტის იდეის ავტორის, გიორგი ასანიშვილის დამსახურებაა. მას ქართველ მუსიკოსებთან მრავალწლიანი ურთიერთობის გამოცდილება აქვს. კარგად იცის მათი შესაძლებლობები და ამ რესურსების გამოვლენაში, უფრო ზუსტად კი, სწორად წარმოჩენაში უწყობს ხელს.

"აკუსტიკის" მთავარი პრინციპი ხარისხია. ეს მარტო ბგერის, აუდიოჩანაწერის ან ვიდეოს ხარისხს არ ეხება. გვინდა, რომ ისეთი სიმღერები ჩავწეროთ, რომლებიც დროს გაუძლებენ და არა ისეთი კომპოზიციები, მხოლოდ რამდენიმედღიან ინტერესს რომ იწვევენ. როდესაც მუსიკოსი ასეთ მიდგომას ხედავს, ეს მისთვის დიდი მოტივაციაა და რაღაც უკეთესის გაკეთების სურვილი უჩნდება. ამ შემთხვევაში, საავტორო მუსიკას ვგულისხმობ. ამ კუთხით კი, ბევრი დამწყები, ახალგაზრდა ავტორ-შემსრულებელი გვიპოვია, რომლებიც ძალიან კარგ მუსიკას ქმნიან. მათ მხარდაჭერა სჭირდებათ.

ყველაფერი ეს, რის შესახებაც ვისაუბრე, "აკუსტიკაში" მომუშავე ხალხის გარეშე არ გამოვა. საბედნიეროდ, ისეთი ადამიანები შევიკრიბეთ, რომელთაც მუსიკა გვიყვარს და ეს ძალიან მნიშვნელოვანია, როცა ამ ტიპის გადაცემას აკეთებ. თუ მუსიკა შენი პირადი ცხოვრების განუყოფელი ნაწილი არაა, მე მგონი, ასეთ საქმეს არ უნდა მოჰკიდო ხელი, გაწვალდები და გადაცემაც პლასტმასის გამოვა.

როგორც სცენარის ავტორი, წამყვანებს ვაძლევ რჩევებს, თუ რაზე სჯობს გააკეთონ აქცენტი სტუდიაში სტუმრად მოსულ მუსიკოსებთან საუბრისას. ვცდილობ თავი ავარიდო შაბლონურ, ზედაპირულ თემებს. მთავარია, რომ მუსიკოსებმა თავი იგრძნონ არა სტუმრად, არამედ მეგობრების, გულშემატკივრების წრეში. ამგვარ გარემოში იხსნებიან, გულწრფელები ხდებიან და ძალიან პირად შეგრძნებებსაც გვიზიარებენ იმის შესახებ, თუ რა არის მათთვის მუსიკა, რა ისტორია გადახდათ, რამაც ესა თუ ის სიმღერა დააწერინა და ბევრი ამგვარი დეტალი.

შეჯამების სახით იმასღა ვიტყვი, რომ "აკუსტიკის" კარი ღიაა ყველა იმ ადამიანისთვის, ვისაც მუსიკა ძალიან უყვარს და საკუთარ სიმღერებში გულწრფელობის არ ეშინია.

მებო ნუცუბიძე, "აკუსტიკის" წამყვანი


თითქმის წელიწადნახევარია, "აკუსტიკის" წამყვანი ვარ. აქ მოსვლამდე ეს გადაცემა ჩემთვის, როგორც მუსიკოსისთვის, ძალიან მნიშვნელოვანი პლატფორმა იყო. ბევრს ნიშნავს ჩემთვის, რომ გადაცემაში მხოლოდ წამყვანის როლში არ ვარ. როგორც მუსიკოსი ვმღერი, მაქვს შესაძლებლობა ჩემი საავტორო მუსიკა შევასრულო. გარდა მუსიკოსებისა, სრულიად უცხო ადამიანები მხვდებიან და მეუბნებიან, რომ ასეთი მუსიკალური გადაცემის არსებობა ქართველი მუსიკოსების განვითარებისთვის უმნიშვნელოვანესია. როდესაც "აკუსტიკაში" მუსიკოსი სიმღერას წერს, ეს ფაქტობრივად, ახალი ვიდეოკლიპის გადაღების ტოლფასია. რეალურად ასეცაა. აქ მოსულ მუსიკოსს ფუფუნება აქვს უმაღლესი ხარისხის აუდიო და ვიდეოჩანაწერი გააკეთოს. დღეს,როგორც ამ გუნდის წევრი, მეც მთლიანად ჩართული ვარ. მინდა აღმოვაჩინო ახალი მუსიკოსები და დავეხმაროთ მათ ძველი და საზოგადოებისთვის საყვარელი მუსიკა ახლებურად შევქმნათ და საინტერესო კუთხით მივაწოდოთ ის მსმენელს.

"აკუსტიკაზე" სტატიის დასრულება მისი მთავარი პროდიუსერის, გიორგი ასანიშვილის გარეშე შეუძლებელია. ისე დაემთხვა, რომ ის ახლა არგენტინაშია, მაგრამ მაინც მოვძებნეთ და ცოტა შევაწუხეთ კიდეც. ზუსტად მაშინ გავუგზავნე უამრავი შეკითხვა,როცა სტადიონზე ფეხბურთის მატჩს ესწრებოდა. ერთი და ალბათ ყველაზე მნიშვნელოვანი, რაც საუბრის დროს მითხრა, ესაა: "მე ვარ ბედნიერი, რადგან "აკუსტიკაში" ვაკეთებ იმ საქმეს, რომელიც ყევლაფერზე მეტად მიყვარს". თუ ჩვენ, ყველანი, ვიპოვით ისეთ საქმეს, რომელზეც შეყვარებული ვიქნებით, დარწმუნებული ვარ, ამ მნიშვნელოვანი პროექტის მსგავსად, სხვა საქმეებშიც ბევრი წარმატება მოვა.


ტექსტი: ნათია გაბუნია
ფოტო: ლიზა გაბუნია


Print ელ-ფოსტა
FaceBook Twitter Google
ამავე კატეგორიაში
ჟურნალ
ჟურნალ "სითის" მკითხველები უკვე იცნობენ ქართულ - ამერიკული რეპროდუქციული კლინიკა "რეპროარტის" ექიმებსა და მათ ისტორიებს. ამ ნომერში კლინიკის კიდევ ერთი წარმატებული ექიმის, მეან გინეკოლოგ- რეპროდუქტოლოგ- ენდოკრინოლოგ თამარ ბარბაქაძის სამედიცინო გზაზე გიამბობთ.
14:10 / 14.03.2020
ჟურნალ
ჟურნალ "სითის" მკითხველები უკვე იცნობენ ქართულ - ამერიკული რეპროდუქციული კლინიკა "რეპროარტის" ექიმებსა და მათ ისტორიებს. ამ ნომერში კლინიკის კიდევ ერთი წარმატებული ექიმის, მეან გინეკოლოგ- რეპროდუქტოლოგ- ენდოკრინოლოგ თამარ ბარბაქაძის სამედიცინო გზაზე გიამბობთ.
14:10 / 14.03.2020
პროფესიის არჩევა
- ექიმობა, როგორც მომავალი პროფესია, სკოლის ბოლო კლასებში ავირჩიე.
პროფესიის არჩევა - ექიმობა, როგორც მომავალი პროფესია, სკოლის ბოლო კლასებში ავირჩიე.
11:59 / 13.03.2020
ქრისტინა ჩალაძე და ბეჟან
ხელაშვილი - ეს ტანდემი უკვე, შეიძლება ითქვას, აბსოლუტური ლიდერია
იმაში, რასაც ჩვენ ესთეტიკურ მედიცინას ვეძახით.
ქრისტინა ჩალაძე და ბეჟან ხელაშვილი - ეს ტანდემი უკვე, შეიძლება ითქვას, აბსოლუტური ლიდერია იმაში, რასაც ჩვენ ესთეტიკურ მედიცინას ვეძახით.
10:54 / 12.03.2020
იცით თუ არა რამდენიმე მთავარი
ამბავი
იცით თუ არა რამდენიმე მთავარი ამბავი "გასტრონომის" შესახებ?
18:38 / 10.03.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
თამარ ბარბაქაძე და კლინიკა "რეპროარტი"
ჟურნალ "სითის" მკითხველები უკვე იცნობენ ქართულ - ამერიკული რეპროდუქციული კლინიკა "რეპროარტის" ექიმებსა და მათ ისტორიებს. ამ ნომერში კლინიკის კიდევ ერთი წარმატებული ექიმის, მეან გინეკოლოგ- რეპროდუქტოლოგ- ენდოკრინოლოგ თამარ ბარბაქაძის სამედიცინო გზაზე გიამბობთ.
14:10 / 14.03.2020
ექიმ- რადიოლოგ მარიკა რაზმაძის გზა მედიცინაში
პროფესიის არჩევა - ექიმობა, როგორც მომავალი პროფესია, სკოლის ბოლო კლასებში ავირჩიე.
11:59 / 13.03.2020
ჩანჩიკას ვიტრაჟებიანი სახლი
ბაგებში, ერთ გამწვანებულ ფერდობზე მდგარ კორპუსში, რომლის უკანაც ტყე და ხასხასა სიმწვანე მოსჩანს, მხატვარ-ვიზაჟისტ ეკა ჩანჩიბაძის უმშვენიერესი სახლია. სწორედ მის დასათვალიერებლად ვესტუმრეთ ეკას. პირველი და ყველაზე შთამბეჭდავი, რაც თვალში უეცრად მომხვდა, უზარმაზარი ვიტრაჟებია, საიდანაც ქალაქის ულამაზესი ხედი იშლება. დაახლოებით 6 მეტრამდე სიმაღლის ჭერი, ინტერიერის დახვეწილი, მშვიდი ფერებით შეზავებული სტილი, ბევრი სიმწვანე, საკუთარი ხელით შექმნილი ნივთები და სივრცის დაუვიწყარი შეგრძნება - ასეთია შთაბეჭდილებები ეკას სახლიდან, რომლის აღმოსაჩენად მას ზუსტდ ორი წელი დასჭირდა.
11:22 / 13.07.2019
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« აპრილი 2020 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
ვალუტა
EUR
EUR
1
3.4134
TRY
TRY
1
0.4701
USD
USD
1
3.1576
ამინდი
ბორჯომი 5 °C
img
სოხუმი 10 °C
img
ახალქალაქი 1 °C
img
გამოწერა