მიშიმას ბლოგი

არც თუ ისე შორეულ წარსულში, საშუალოსტატისტიკური თბილისელის სასურსათო კალათის შევსება საკმაოდ ნევროზულ და დამღლელ პროცედურას წარმოადგენდა.

უკვე დილიდან, ეს საშუალოსტატისტიკური თბილისელი მიაშურებდა დიდუბეს ან ისანს, სადაც ადგილობრივი მეტროსადგურების გარშემო პოსტაპოკალიფსური ფილმების დეკორაციებივით მეტასტაზირებდა ათეულობით ბაზარი და ბაზრობა... რომელიმე „ატომიკ სითის“, ან „ექსონ ვალდეზის“ მოდაზე შეკრულ კუსტარულ დახლებზე და ჯიხურებში თავმოყრილი იყო ყველანაირი სახეობის, ხარისხის და წარმოშობის საქონელი... ქართული მებაღეობა-მეცხოველეობა უპრობლემოდ მეზობლობდა თურქულ ტრიკოტაჟთან თუ ირანულ რკინეულობასთან. ჩინური ელექტროსაქონელი ენაცვლებოდა „წითელი ოქტომბრის“ საკონდიტრო ნაწარმს. რეპლიკური სათვალეების სტენდი მდორედ გადაედინებოდა ბურღულეულის დახლში, ხოლო იმპორტული ძეხვეულის ან ყველის მაცივარი შეიძლებოდა მდგარიყო სადღაც, კუსტარული ფეხსაცმლის და ასეთივე აუდიოკასეტების ჯიხურებს შორის... და როგორც წესი, ამდაგვარი აპოკალიფტიკა აქა-იქ შეზავებული იყო უსახელო ცეხების „შოურუმებით“, სადაც იყიდებოდა საეჭვო სიიაფის, ხარისხის და ვიზუალის მქონე ხორცპროდუქცია.


 

არ დაგიმალავთ, მე რამდენჯერმე მხვდა წილად დამეგემოვნებინა ეს ცელულოზით, ნივრითა და თხევადი კვამლით გაჯერებული საოცრებები. დაგემოვნებას კი, უმეტესად, თან სდევდა გარკვეული გასტროენტეროლოგიური უხერხულობები, სინანულის გრძნობა და სკეპტიციზმი ეროვნული ხორცმრეწველობის შესაძლებლობების მიმართ... თუმცა, 2000-იანების დასაწყისში, ჩემმა სკეპტიციზმმა პირველი შემასუსტებელი ბიძგი მიიღო, როცა ბახტრიონის ქუჩაზე ამოქმედდა პატარა მაღაზია, სახელწოდებით „ნიკორა“. ეს მაღაზია არ გამოირჩეოდა განსაკუთრებული ინტერიერით. მის დახლზე სულ რამდენიმე დასახელების ძეხვეული იდო, მაგრამ ამ რამდენიმე დასახელებას გააჩნდა ის, რაც ასე აკლდა იმდროინდელ თბილისურ გასტრონომიას - გემო და ვიზუალი...






ვერ გეტყვით, რომ პირველივე ვიზიტიდან გავხდი ამ მაღაზიის ყოველდღიური სტუმარი, რომ ერთ წელიწადში მომართვეს სასაჩუქრე ჭიქა წარწერით: „ნიკორას საპატიო მომხმარებელს“... არა... უბრალოდ, იმ პირველ ვიზიტს დროთა განმავლობაში მოჰყვა მეორე, მეორეს კი მესამე... შიგადაშიგ ნაყიდ „რძიანს“ მოჰყვა „სპეცის“, თუ ბეკონის რეგულარული მარაგები. ჩემი მაცივრის ოდესღაც მარტივ სენდვიჩებზე და ერბოკვერცხზე გათვლილი ორდასახელებიანი ასორტიმენტი ჩანაცვლდა კომპლექსური კერძებისათვის საჭირო ხორცპროდუქტების (და არა მარტო) სრულწონიანი კომბინაციებით. და დღეს, თითქმის 20 წლის თავზე, მე, ისევე როგორც ათასობით სხვა საშუალოსტატისტიკურ თბილისელს, ვერ წარმომიდგენია ჩემი სასურსათო კალათის შევსების რიტუალი „ნიკორაში“ ყოველდღიური ვიზიტის გარეშე.




 

ღრმა ქვაბში ვაცხელებთ ზეითუნის ზეთს, ვადნობთ ბეკონს, ვამატებთ დაჭრილ ბოსტნეულს და ვშუშავთ 3-5 წუთის განმავლობაში. ვამატებთ სანელებლებსა და ფარშს, ვთუშავთ 5-10 წუთი. შემდეგ ვამატებთ ლობიოს, პომიდორს, საქონლის ბულიონს და ვადუღებთ დაბალ ცეცხლზე 40-50 წუთი. მარილი, ცხადია გემოვნებით. შემდეგ `ვასვენებთ~ 15 წუთი. ვიღებთ ღრმა თეფშზე და ვრთავთ დაჭრილი ქინძით, ვამატებთ ლაიმს და არაჟანს. გარნირად ბრინჯი, ან შემწვარი ტარტილია (შეიძლება სიმინდის ჩიფსიც)


ხახვი / დიდი თავი 2 ც

ნიორი 3 კბილი

წითელი ბულგარული წიწაკა 3 ც

ზეითუნის ზეთი 3 სუფრ. კოვზი

ტაკოსის მიქსი 2 სუფრ. კოვზი

წითელი კონსერვირებული ლობიო 2 ქილა

კანგაცლილი კონსერვირებული პომიდორი 2 ქილა

საქონლის უცხიმო ფარში / მსხვილად გატარებული 0.8 კგ

ბეკონი 0.2 კგ

ქინძი 1 კონა

ბალზამიკო 3 სუფრ. კოვზი

ტკბილი აზიური ჩილი-სოუსი 3 სუფრ. კოვზი

საქონლის ბულიონი 0.5 ლ.

 

ტაკოსის მიქსის დასამზადებლად

დაგჭირდებათ

დაფქვილი ჩილი 2 სუფრ. კოვზი

ნივრის ფხვნილი 1.5 ჩ. კოვზი

ხახვის ფხვნილი 1 სუფრ. კოვზი

ხმელი ორეგანო 1 სუფრ. კოვზი

პაპრიკა 2 ჩ. კოვზი

კუმინის ფხვნილი 1.5 სუფრ. კოვზი

მარილი 2 ჩ. კოვზი

პილპილი 2 ჩ. კოვზი

კაკაო 1 სუფრ. კოვზი

დარიჩინი 2 ჩ. კოვზი


Print ელ-ფოსტა
FaceBook Twitter Google
ამავე კატეგორიაში
ჰემინგუეის
მონათხრობი
ჰემინგუეის მონათხრობი
10:39 / 12.06.2020
ცნობილი ნორვეგიული
ბრენდი საქართველოში
ცნობილი ნორვეგიული ბრენდი საქართველოში
07:17 / 05.06.2020
კარანტინის 2 თვე... ჩემთვის
ერთგვარი აღმოჩენების პერიოდი...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020
იცხოვრე, რომ მოჰყვე, და რა აქცევს
ამბავს ამბად, თუ არა მისი მოყოლა.
(მარკესი, ფოლკნერი)
იცხოვრე, რომ მოჰყვე, და რა აქცევს ამბავს ამბად, თუ არა მისი მოყოლა. (მარკესი, ფოლკნერი)
13:22 / 10.05.2020
ისევ ყველა დღე
ერთმანეთს რომ გავს და უკეთესი მომავლის იმედი რომ
დაუცხრომელია...
ისევ ყველა დღე ერთმანეთს რომ გავს და უკეთესი მომავლის იმედი რომ დაუცხრომელია...
09:38 / 08.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
სიყვარულით „შატო მერედან”
ჰემინგუეის მონათხრობი
10:39 / 12.06.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
და მიდიოდა დღე კარანტინისა...
"ყოფიერების აუტანელი სიმსუბუქე"
07:31 / 24.04.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ვალუტა
EUR
EUR
1
3.4593
TRY
TRY
1
0.4460
USD
USD
1
3.0624
ამინდი
ბორჯომი 16 °C
img
სოხუმი 21 °C
img
ახალქალაქი 11 °C
img
გამოწერა