City Events
თამარ ზარანდია
იურიდიული ფაკულტეტის დეკანი, თსუ.
დავიბადე და ბავშვობა გავატარე ქალაქ სოხუმში.

სოხუმი ჩემთვის მხოლოდ მშობლიური ქალაქი არ არის. ომამდელი სოხუმი მართლაც განსაკუთრებული, ძალიან ევროპული, საკუთარი სულისა და კულტურის მქონე ქალაქი იყო: საოცარი ბუნება, ძალიან მეგობრული, მულტიკულტურული გარემო და ადამიანები, ურთიერთობები, რომელიც აყალიბებს ღირებულებათა იმ სისტემას, მთელი ცხოვრება რომ მოგვყვება. დღეს სოხუმი მოგონებაა, რომელიც ძალიან ძვირფასია ჩემთვის. ის, ალბათ, დაკარგული ბავშვობაც არის.

შემდეგ იყო ომი - ომი, რომელიც მძიმე მოგონებებთანაა დაკავშირებული ყველა იმ ადამიანისთვის, ვინც აფხაზეთი დატოვა. ყველას თავისი ისტორია აქვს, საკუთარი ტკივილი. სოხუმი მის დაცემემადე რამდენიმე დღით ადრე დავტოვე. ეს იყო ჩემი პირველი მგზავრობა 16 წლის ასაკში, როდესაც, სრულიად მარტო, თბილისში ჩამოვედი. არასოდეს დამავიწყდება ის გზა. ომში გახვეული ქალაქი, დაჭრილები, დაღუპულები, შეშინებული, დათრგუნული მოქალაქეები. მეც ერთ-ერთი მათგანი ვიყავი. მომდევნო დღეს ჩამოფრინდა დედა და ეს იყო ბოლო თვითმფრინავი, რომელმაც სოხუმიდან მგზავრები გადმოიყვანა. შემდეგი თვითმფრინავი ააფეთქეს და საჰაერო კავშირი სოხუმთან შეწყდა.

ჩვენი თაობისთვის აფხაზეთის დატოვება იყო განსაცდელი, რომელმაც ძალიან ბევრი რამ შეცვალა ჩვენში. როგორც მერაბ მამარდაშვილი ამბობდა, გაუსაძლისის გაძლებიდან იბადება ადამიანი მეორედ და ნამდვილად. ჩვენს თაობას მოგვიწია ამ განსაცდელის მიღება და მასზე პასუხისმგებლობის აღება.

პროფესიის არჩევაზე ბევრი არ მიფიქრია, ყოველთვის ვიცოდი, რომ იურისტი უნდა ვყოფილიყავი. ჩემი პროფესია მიყვარს, როგორც ერთი ფრანგი დრამატურგი ამბობდა - "სამართალი წარმოსახვის ყველაზე ძლიერი სკოლაა. არცერთ პოეტს ისე თავისუფლად არ აღუწერია ბუნება, როგორც იურისტს - რეალობა". სწავლის პარალელურად ვმუშაობდი პროფესიით: სასამართლო სხდომის მდივნად, მოსამართლის თანაშემწედ. 2002 წელს გავხდი სამართლის დოქტორი და მას მერე, ძირითადად, აკადემიურ და სამეცნიერო სფეროში ვმუშაობ, ვიყავი სოხუმის სახელმწიფო უნივერსიტეტის იურიდიული ფაკულტეტის დეკანი, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანის მოადგილე, ჰამბურგის მაქს პლანკის საზღვარგარეთის ქვეყნებისა და საერთაშორისო კერძო სამართლის ინსტიტუტის მეცნიერ-მკვლევარი. ამ ინსტიტუტთან ძალიან კარგი თანამშრომლობა მაკავშირებს, რამდენჯერმე მოვიპოვე მათი კვლევითი სტიპენდია და ზაფხულშიც, თუ გლობალურმა პანდემიამ არ შემიშალა ხელი, ისევ მექნება შესაძლებლობა, მაქს პლანკის ინსტიტუტში გავაგრძელო მუშაობა ჩემს კვლევით პროექტზე.

2018 წლიდან ვარ ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის არჩეული დეკანი, რაც ჩემთვის, დიდ პატივთან ერთად, დიდი პასუხისმგებლობაა. თბილისის სახელმწიფო უნივერსიტეტის იურიდიული ფაკულტეტი კავკასიის რეგიონში პირველი სამართლის სკოლაა, რომელიც ეფუძნება საუკუნოვან ეროვნულ ტრადიციებს და დღესაც უპირობო ლიდერია იურიდიული განათლების ბაზარზე ძლიერი აკადემიური გუნდით, საერთაშორისო ცნობადობითა და საუკეთესო სტუდენტებით. ჩვენი ფაკულტეტი სტუდენტს აძლევს ფუნდამენტურ იურიდიულ განათლებას, სწორედ მეორე აკადემიური კორპუსის კედლებში ყალიბდებიან იურისტები, რომლებიც, როგორც წესი, ყველაზე წარმატებულები არიან პროფესიაში. ამასთან ერთად, რამდენიმე წელია, ჩართული ვარ განათლების სფეროში აკრედიტაციისა და ავტორიზაციის საბჭოების საქმიანობაში. მიმდინარე წელს გავხდი უმაღლესი საგანმანათლებლო დაწესებულებების ავტორიზაციის საბჭოს თავმჯდომარე, რაც ასევე ძალიან საინტერესო პროფესიული გამოწვევაა ჩემთვის.

აკადემიური საქმიანობა და ახალგაზრდებთან ურთიერთობა განსაკუთრებული ენერგიით მავსებს. ბედნიერი ვარ იმით, რომ ვაკეთებ საყვარელ საქმეს. გულწრფელად ვიტყვი, რომ სტუდენტობა მიყვარს. ყოველთვის ვცდილობ, შეძლებისდაგვარად, ხელი შევუწყო მათ, ნებისმიერ საკითხს მათი პერსპექტივიდან შევხედო. ყოველთვის მაფიქრებდა ის, თუ რამდენად იქნებოდა აფხაზეთის საკითხი მნიშვნელოვანი ახალგაზრდებისთვის. ეს ხომ ის თაობაა, რომელსაც აფხაზეთი არ ახსოვს, არ უნახავს, მაგრამ ჩემი სტუდენტების შემყურე, იმედიანად ვარ, რადგან ზუსტად ვიცი, აფხაზეთის და სამაჩაბლოს პრობლემა მათთვისაც ძალიან ორგანული და მნიშვნელოვანია.

2014 წელი განსაკუთრებით მძიმე იყო ჩემი ოჯახისთვის, რადგან დავკარგე მეუღლე, მამაკაცი, რომელიც ამავდროულად, ჩემი საუკეთესო მეგობარიც იყო. შეუძლებელია, სიტყვებით გადმოსცე ეს გრძნობა, მაგრამ, რაკი ჩემზე უნდა ვისაუბრო, ვფიქრობ, რომ მცირედი მაინც უნდა ვთქვა მასზეც. ის იყო ერთ-ერთი ყველაზე ღირსეული ადამიანი, რომელიც მე შემხვედრია ცხოვრების მანძილზე, გამორჩეული გულისა და ხასიათის საუკეთესო თვისებებით. დღეს ვზრდი ჩვენს შვილებს, ორ არაჩვეულებრივ ბიჭს, შოთიკოს და ვახტანგს. არ ვიცი რა ელოდებათ ცხოვრებაში, მაგრამ ვფიქრობ, რომ ყველაზე მთავარი შევძელი - ისინი კარგი ადამიანები იქნებიან.

და ბოლოს, მინდა, ასეთი რამ ვთქვა: მე საქართველოს იმ კუთხის შვილი ვარ, სადაც დღეს თქვენ ვერ გაიგონებთ ქართულ სიტყვას და ვერ შეხვდებით ქართულად მოსაუბრე ქართველს. ჩემი სტუდენტობა იმ პერიოდს დაემთხვა, როდესაც ჩვენი ოჯახი საკუთარ სამშობლოში უსახლკაროდ და უსამშობლოდ დარჩა. და მიუხედავად ამისა, დღეს მე ვარ საქართველოში ყველაზე წარმატებული სამართლის სკოლის პროფესორი, დეკანი და მინდა ჩვენს მკითხველს ვუთხრა: ყოველთვის გჯეროდეთ საკუთარი თავის და საკუთარი შესაძლებლობების. ეს რწმენა გაძლევთ ძალას და გამბედაობას, მისდიოთ საკუთარ გზას. უნდა გიყვარდეთ ის, რასაც აკეთებთ და ეს ყოველთვის დაგეხმარებათ, იყოთ წარმატებული. თუმცა, წარმატება ცხოვრებაში განისაზღვრება ბევრი საშუალებით და თითოეული ადამიანი აღმოაჩენს ამას საკუთარი თავისთვის, ჩემთვის ყველაზე დიდი წარმატება არის ადამიანების ნდობა და პატივისცემა. შეიძლება, ეს ცოტა ბანალურადაც ჩანდეს, მაგრამ ასეა.


Print ელ-ფოსტა
FaceBook Twitter Google
ამავე კატეგორიაში
აი ასე, უცებ და სპონტანურად
გადავწყვიტეთ ჩვენს
აი ასე, უცებ და სპონტანურად გადავწყვიტეთ ჩვენს "სითიში" ძველი და საყვარელი რუბრიკა დაგვებრუნებინა. მას "მე და ჩემი მეგობრები" ჰქვია, რომლის გმირებს ჩვენი ქალაქების განსაკუთრებულ ადგილებში ვიღებთ. დავაბრუნეთ იმიტომ, რომ გაგრძელებული პანდემიის გამო, ალბათ, ყველაზე მეტად სწორედ ჩვენი მეგობრები და მათთან ერთად ახალაღმოჩენილ ადგილებში დროის გატარება მოგვენატრა.
11:14 / 11.04.2021
"სითის" და "ნიკორას" უკვე ტრადიციადქცეული რუბრიკის, აპრილის ნომრის გმირი ლიკა კვარაცხელიაა. ის ნამდვილად მიეკუთვნება იმ ქალბატონების რიცხვს, რომლებიც ყველაფერს ასწრებენ, თან ერთნაირად წარმატებულად.
08:58 / 08.04.2021
სურვილი იმისა, რომ შენი
პროფესიული ნიჭი და პრაქტიკული თუ ცხოვრებისეული გამოცდილება სხვებს
გაუზიარო, ნიშნავს პასუხისმგებლობას, პირველ რიგში, საკუთარ თავთან.
თუ ეს შეძელი, უკვე ფაქტია, რომ შენ შეძელი სარგებლის მოტანა, რომელიც
ვერ წაიშლება და დარჩება მომავალ თაობებს.
სურვილი იმისა, რომ შენი პროფესიული ნიჭი და პრაქტიკული თუ ცხოვრებისეული გამოცდილება სხვებს გაუზიარო, ნიშნავს პასუხისმგებლობას, პირველ რიგში, საკუთარ თავთან. თუ ეს შეძელი, უკვე ფაქტია, რომ შენ შეძელი სარგებლის მოტანა, რომელიც ვერ წაიშლება და დარჩება მომავალ თაობებს.
10:21 / 07.04.2021
პანდემიის პარალელურად,
პანდემიის პარალელურად, "სითის" ფურცლებზე არაერთხელ შეხვდებით ისტორიებს ადამიანებზე, რომლებმაც კარანტის დღეები იდეების განსახორციელებლად, ახალი საქმეების დასაწყებად და ახალი პროფესიების ასათვისებლად გამოიყენეს.
14:04 / 03.04.2021
Delfy Cosmetics
ფრანგული სუნამოს ხაზს ამჯერად ქართველი მოდელი, ტელეწამყვანი და
ინფლუენსერი რუსა ჩაჩუა წარმოგიდგენთ.
Delfy Cosmetics ფრანგული სუნამოს ხაზს ამჯერად ქართველი მოდელი, ტელეწამყვანი და ინფლუენსერი რუსა ჩაჩუა წარმოგიდგენთ.
17:05 / 22.03.2021

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
მე და ჩემი მეგობრები - შეხვედრის ადგილი - "იდილია"
აი ასე, უცებ და სპონტანურად გადავწყვიტეთ ჩვენს "სითიში" ძველი და საყვარელი რუბრიკა დაგვებრუნებინა. მას "მე და ჩემი მეგობრები" ჰქვია, რომლის გმირებს ჩვენი ქალაქების განსაკუთრებულ ადგილებში ვიღებთ. დავაბრუნეთ იმიტომ, რომ გაგრძელებული პანდემიის გამო, ალბათ, ყველაზე მეტად სწორედ ჩვენი მეგობრები და მათთან ერთად ახალაღმოჩენილ ადგილებში დროის გატარება მოგვენატრა.
11:14 / 11.04.2021
"ნიკორას" რეცეპტები: ვიკა კალანდიას "ცეზარი შაშხით"
ცნობილი მსახიობისა და ყველასთვის საყვარელი ტელესერიალის გამორჩეული გმირის, ვიკა კალანდიას წარმატებისა და პოპულარობის ერთ-ერთი მთავარი შემადგენელი, სამსახიობო ხელოვნებასთან ერთად, მისი იმიჯი და სტილია. სიფრიფანა ვიკა თითქოს ყველა გარემოში შეგიძლია წარმოიდგინო, სამზარეულოს გარდა. რეალობა საპირისპირო აღმოჩნდა. ვიკა საკმაოდ კარგი კულინარია და რეცეპტების გაზიარებაზეც სიამოვნებით დაგვთანხმდა.
12:14 / 11.03.2021
Questions & Answers
ყველასთვის საკმაოდ რთულ პერიოდში, ნოდიკო ტატიშვილმა ახალი სიმღერა ჩაწერა, სახელად `გემშვიდობები~. კლიპის გადაღებები ნოდიკოს ახალ სახლში და "ბიოლში" 2 დღეს გაგრძელდა. პროცესს ჩვენი გადამღები ჯგუფიც დაესწრო და "სითის" მკითხველისთვის ეს ფოტოკოლაჟიც მოვამზადეთ. რა თქმა უნდა, ნოდიკოსთან ინტერვიუც ჩავწერეთ და ცოტ-ცოტა ყველაფერზე ვისაუბრეთ - ბავშვობიდან დღემდე.
11:04 / 07.03.2021
თიკო დიდავა - მრავალპროფილური ასპარეზი
6 საქმიანი მიმართულება ერთდროულად. ყველა მნიშვნელოვანი, განსაკუთრებული და საპასუხისმგებლო.
08:37 / 10.08.2020
DELFY    Parfume
ცნობილი ბრენდის ახალი სუნამო
15:42 / 08.06.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« აპრილი 2021 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12
ვალუტა
EUR
EUR
1
4.0798
TRY
TRY
1
0.4195
USD
USD
1
3.4232
ამინდი
ბორჯომი 2 °C
img
სოხუმი 6 °C
img
ახალქალაქი 2 °C
img
გამოწერა