City News
შვიდი გრაფიტი "სითისგან"
ზამთარი _ სეზონი, როდესაც სახლში თბილ ბუხართან ჯდომის, ჩაის სმისა და წიგნების კითხვისკენ ყველაზე მეტად მიგიწევს გული. როგორც იქნა, შეგიძლია ოჯახურ სითბოში ჩაიძირო და დამქანცველი ყოველდღიურობა ცოტა ხნით დაივიწყო.
ერთი წუთით, ეს სტატია არც ზამთარზეა, არც წიგნებზე და არც ოჯახზე. რადგან თბილისური სუსხიანი სეზონი უნალექო და უღრუბლო გამოდგა, უკაცრავად თუ გეგმები ჩაგიშალეთ. სამაგიეროდ, მზეს არ დაუზოგავს თავი ჩაბნელებული მოსახვევებისა და მოედნების გასანათებლად. რა დროს ბუხარია?! სახლში ჯდომისა და ჩაის წრუპვის ნაცვლად, აიღე მოსასხამი. უხმო კედლები საოცარ თავგადასავალს გპირდებიან. ასეც მოიქცა უბრალო გოგო თბილისიდან. ბევრი არ უვლია, მაგრამ არც ცოტა. თითქმის მთელი ქალაქი გადაიარა ფეხით, ყველა ნაცნობი თუ უცხო კუნჭული, უამრავი ისტორიაც მოისმინა და `თვალს წყალიც დაალევინა". მთავარზე გადავალ, ეს თბილისია, პოსტსაბჭოთა ქალაქი, თუმცა აქ სოციალისტური წყობიდან იმაზე ნაკლებია დარჩენილი, ვიდრე ფიქრობთ. დიახ, მე იმ უხმო, გრაფიტით დაფარულ კედლებს ვგულისხმობ, ზემოთ რომ აღვნიშნე, ჩვენთან თუ რამე საბჭოური არ არის, ეს სწორედ ისინია. 24 საათიანი მუზეუმები, სადაც სტუმრობა ნებისმიერისთვის უსასყიდლოა, შთამაგონებელი, გამაცოცხლებელი და, რაც მთავარია, უამრავი ისტორიის მომცველი ქუჩის მხატვრობა. ისინი სიყვარულსა თუ უსიყვარულობაზე, ტყუილსა თუ მართალზე იმდენს გიყვებიან, რომ გულგრილი ვერ დარჩებით. კედლები, სადაც მოიწყობ დაუვიწყარ ფოტოსესიას და გექნება განსხვავებული, ამაღელვებელი კადრები სასურველი ატმოსფეროდან და თან, ხელოვნებასთან ნაზიარები. დარწმუნებული ვარ,რომ არაერთი თქვენგანი ხშირად ფიქრობს თუ სად გადაიღოს ლამაზი სურათები, რადგან ისინი 21-ე საუკუნეში ჩვენს სოციალურ თუ არასოციალურ ცხოვრებაში დიდ როლს თამაშობენ. სწორედ ამიტომ, "სითი" გიჩვენებთ შვიდ გრაფიტიან კედელს თბილისში, რომელთანაც განსაკუთრებული სურათები გამოდის…
ნინოშვილი#8

იცანით ჩალისფერთმიანი გოგო?! წარმატებული, მომხიბვლელი,თავდაჯერებული და, რაც მთავარია, კამერების მოყვარული მარიამ ვაშაძე. მან სიამოვნებით მოისმინა გრაფიტით მოყოლილი ისტორიები და თავის პორტფოლიოს ახალი სურათები შესძინა, მათგან შვიდის არჩევა ძალიან გამიჭირდა. თავად მარიამი კი ასე გვესაუბრება:

თქვენ შესახებ მომიყევით?
მარიამ ვაშაძე, პირველი არხის საინფორმაციო პროგრამის `მოამბე~ წამყვანი.
დავამთავრე თეატრალური უნივერსიტეტი, ტელე-რადიო გადაცემის წამყვანი ჟურნალისტის სპეციალობა. მიყვარს წიგნების კითხვა და მოგზაურობა.
რას თვლით თქვენს პიროვნულ ღირსებად?
_ ერთგულებას.
ადამიანი, რომელმაც შეცვალა თქვენი ცხოვრება…
_ ჩემი მეუღლე



გმირთა მოედანი, მიწისქვეშა გადასასვლელი

რას ნიშნავს იყო ძლიერი?
_ არასდროს დანებდე, აღიარო შეცდომები და დაძლიო სირთულეები.
როდის ხართ ყველაზე ბუნებრივი?
_ თამაში არ მიყვარს. ამიტომ, ვცდილობ ყველგან და ყოველთვის ბუნებრივი ვიყო. მაგრამ ყველაზე ბუნებრივი, ალბათ, მაინც ოჯახის წევრებთან და მეგობრებთან ვარ.
თუ გაქვთ წარმატების ფორმულა?
_ საკუთარ თავზე მუდმივი მუშაობა. ასევე, გამართლებაც მნიშვნელოვან როლს თამაშობს. სწორ დროს, სწორ ადგილას უნდა მოხვდე.
თქვენი სილამაზის რეცეპტები?
_ ყველას შეუძლია იყოს ლამაზი. ამისთვის უნდა იპოვოს საკუთარი სტილი და მიხვდეს ყველაზე მეტად რა უხდება. ვარცხნილობიდან დაწყებული, სამოსით დამთავრებული.



გმირთა მოედანი, მიწისქვეშა გადასასვლელი
კამერების წინ როგორ გრძნობთ თავს?
_ როგორც თევზი წყალში
დღევანდელ ფოტოსესიაზე რას ფიქრობთ?
_ ვფიქრობ, ძალიან კარგი გამოვიდა. კმაყოფილი ვარ. მეგობარ ფოტოგრაფებთან განსაკუთრებით თავისუფალი ვარ, ვენდობი მათ, რაც ფოტოებსაც ეტყობა ხოლმე.
რას იტყვით კედლებზე გადმოცემულ გრძნობებზე და ზოგადად, გრაფიტზე?
_ ძალიან მომწონს. ჩემი ნება რომ იყოს, მთელ ქალაქს მოვხატავდი. ზოგადად, უდიდესი მნიშვნელობა აქვს სად იღებ ფოტოს. ამიტომ, ვფიქრობ რომ დღევანდელი ფოტოების განსაკუთრებულობა, გარკვეულწილად, ლამაზად მოხატულმა კედლებმა განაპირობა.



გმირთა მოედანი, მიწისქვეშა გადასასვლელი

ამ ნახატებიდან რომელია თქვენი ფავორიტი და რატომ?
_ ვერ გამოვარჩევდი, ყველას ერთნაირად საინტერესო, მაგრამ განსხვავებული ემოცია მოაქვს ჩემთვის.
კედლებს რომ ლაპარაკი შეეძლოთ…
_ ალბათ, ყველაზე განსხვავებულ და საინტერესო ისტორიებს მოვისმენდით. დროში მოგზაურობასავით იქნებოდა, ზოგიერთი კედელი ხომ საუკუნეებს უძლებს. უამრავი საიდუმლოც გამჟღავნდებოდა, კედლებს ხომ ყველაფერი ესმით და ხედავენ.
საუკეთესო გრაფიტი სურათების გადასაღებად...
_ ბერლინის კედლის გრაფიტები.
თქვენი კავშირი ხელოვნებასთან...
_ განსაკუთრებული სიყვარული ხელოვანი ადამინებისა და ხელოვნების ნიმუშებისადმი. პირადი გამოცდილება არ მაქვს ამ სფეროში, თუმცა ჩემი დიდი ბაბუა, მიხეილ ვაშაძე, იყო საქართველოს სახალხო არტისტი, რითაც ძალიან ვამაყობ.
მე რომ მხატვარი ვიყო...
_ ძალიან ბედნიერი ვიქნებოდი!



ბეთლემის #13

დღევანდელი დღე...
_ ხვალინდელი დღის უკეთესობისკენ შეცვლის შესაძლებლობა.
ჩემი საყვარელი კადრი...
_ მზის ჩასვლა ზღვის სანაპიროზე.
მიყვარს სურათები, რომლებიც…
_ ისტორიებს ყვებიან.



გმირთა მოედანი, მიწისქვეშა გადასასვლელი

რჩევა მკითხველს წარმატებული და ლამაზი ფოტოსესიისთვის...
_ არავითარი დაძაბულობა, კამერას უყვარს თავისუფლება!


ტექსტი: თინა მამულაიძე
ფოტო: ალექს აფციაური
Print ელ-ფოსტა
FaceBook Twitter Google
ამავე კატეგორიაში
პანდემიის დროს ყველაზე მეტად იმ
ადამიანებზე მეფიქრებოდა, რომლებსაც ერთი, ყველასთვის ნაცნობი ფრაზა
აერთიანებს:
პანდემიის დროს ყველაზე მეტად იმ ადამიანებზე მეფიქრებოდა, რომლებსაც ერთი, ყველასთვის ნაცნობი ფრაზა აერთიანებს: "განსაკუთრებული რისკის ქვეშ მყოფი პაციენტები".
13:06 / 06.08.2020
ამ ისტორიას, წესით,
ამ ისტორიას, წესით, "მეამას" ჭიქით ხელში უნდა კითხულობდეთ და ეს დღის ნებისმიერ მომენტში შეიძლება.
10:35 / 05.08.2020
ბაკურიანში, დიდველის გზას რომ
აუყვებით, ადვილად შენიშნავთ სასტუმროს, რომელიც თავისი
დასამახსოვრებელი ჰოლით ყველა სტუმარს იზიდავს.
ბაკურიანში, დიდველის გზას რომ აუყვებით, ადვილად შენიშნავთ სასტუმროს, რომელიც თავისი დასამახსოვრებელი ჰოლით ყველა სტუმარს იზიდავს.
10:03 / 04.08.2020
"ნიკორას" შესანიშნავი სამეულის დეგუსტაცია
09:43 / 04.08.2020
ჰემინგუეის
მონათხრობი
ჰემინგუეის მონათხრობი
10:39 / 12.06.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
"თოდუას კლინიკის" განსაკუთრებული რიტმი
პანდემიის დროს ყველაზე მეტად იმ ადამიანებზე მეფიქრებოდა, რომლებსაც ერთი, ყველასთვის ნაცნობი ფრაზა აერთიანებს: "განსაკუთრებული რისკის ქვეშ მყოფი პაციენტები".
13:06 / 06.08.2020
"სითის" მასტერკლასი „გასტრონომში“
"სითიივენთი" ჯერ არა, მაგრამ პანდემიის შემდეგ, პირველი მასტერკლასი "გასტრონომთან" ერთად, შედგა.
10:09 / 03.08.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ვალუტა
EUR
EUR
1
3.6402
TRY
TRY
1
0.4228
USD
USD
1
3.0737
ამინდი
ბორჯომი 16 °C
img
სოხუმი 20 °C
img
ახალქალაქი 12 °C
img
გამოწერა