City News
AW LAB თაობები
განსაზღვრება "ავლაბთაობა", ამისულაშვილი-ზარქუას ოჯახის შემთხვევაში, მის ხუთივე წევრს ეკუთვნის: მამას, ცნობილ ფეხბურთელ ალექსანდრე ამისულაშვილს, დედას, წარმატებულ დიზაინერ ნინა ზარქუას და შვილებს: საბას, ანანოს და გიოს. გასეირნებას ლისზე, ამ კონკრეტულ შემთხვევაში, ორი ამისულაშვილი გამოაკლდა - უფროსი საქმეების, ყველაზე პატარა კი, ბაკურიანში ყოფნის გამო.


სპორტი და მოდა


სპორტს, სპორტულ ხაზებს, მოდის დღვანდელ ინდუსტრიაში უდიდესი მნიშვნელობა აქვს. მე ვიტყოდი, უკვე ძალიანაც აირია ერთმანეთში, რადგან დღეს ძალიან აქტუალურია კლასიკურ პიჯაკსა და შარვალზე, სიტყვაზე, "ადიდასის" ბოტასების ჩაცმა. მე ამას ძალიან ხშირად ვაკეთებ. ჩამიცვამს ე.წ. "ოვერსაიზ" ჰუდი კლასიკურ პიჯაკზე და ეს ძალიან საინტერესო გამოსულა.


არასდროს ჩავიცვამ...

თავიდან ბოლომდე სპორტულად, თუ არ მივდივარ ვარჯიშზე ან არ ვარ, როგორც ახლა, ჩემს ოჯახთან ერთად სასეირნოდ გამოსული. ასეთ დროს ჩემთვის და ბავშვებისთვის მთავარია კომფორტი, რომ ვიაროთ, ავძვრეთ რაღაც პატარა გორაკებზე, წამოვსხდეთ სკამებზე, ვირბინოთ... ამიტომ აქ, რა თქმა უნდა, თავიდან ბოლომდე სპორტული ტანსაცმელი გვაცვია. სხვა დროს, როგორც გითხარით, მიქსი კლასიკურთან.

ბოტასი ქუსლიან ფეხსაცმელზე აქტუალურია 

რატომ გახდა ის აქტუალური? ცხოვრების რიტმმა მოიტანა. მე დღის მანძილზე ბევრი შეხვედრა მიწევს და ქუსლზე, თუნდაც ის 6 სანტიმეტრიანი იყოს, ეს შეუძლებელია. პარალელურად, სამი შვილის დედა ვარ და საოჯახო საქმეებიც უნდა მოვაგვარო. ჩემს შემთხვევაში, და დარწმუნებული ვარ, ქალების 99%-ის შემთხვევაშიც, კლასიკურ პიჯაკზე ბოტასი სწორედ ამ რიტმმა მოიტანა.



სად არ ჩავიცვამ სპორტულ ფეხსაცმელს 

იცით, ასეთი ადგილი დღეს, ფაქტობრივად, აღარ არსებობს. აი, ორი წლის წინ რომ გეკითხათ, შეიძლება მეპასუხა AW LAB მიღებაზე, დაბადების დღეზე, მაგარმ დღეს ბოტასი, მიქსში კლასიკურთან, ყველგანაა მისაღები.

როგორ და რას არჩევთ AW LAB-ში?

მართალი გითხრათ, ეს არ იყო ძნელი. AW LAB ესაა ადგილი, სადაც განახლებული კოლექციები გვხვდება. აქ ის მოდელებია, რომელსაც ჩვენ ვეძებთ და ვიწერთ სხვადასხვა საიტიდან და ხან ვპოულობთ და ხან-არა. ძალიან აქტუალური და ტრენდული კოლექციაა.



ბავშვები თვითონ ირჩევენ. ამ შემთხვევაშიც ასე მოხდა. შეიძლება რჩევა მაინც მკითხონ ამა თუ იმ მოდელზე.

ნინა და AW LAB-ის მამაკაცის ხაზი

მე, ზოგადად, ძალიან მიზიდავს მამაკაცური სტილის ტანსაცმელი. სახლშიც, ძირითადად, ამისულას სპორტულებით დავდივარ.
AW LAB-შიც მამაკაცის ხაზი ავარჩიე. მართალია ოდნავ დიდი მაქვს, მაგრამ, სამაგიეროდ, ძალიან კომფორტულია და მგონია, რომ სხვანაირად ზის.


ნინა და დიეტა

არასდროს დამიცავს. უბრალოდ, ბავშვობიდან შემაჩვიეს სწორ კვებას. ვჭამ დღეში ხუთჯერ პატარ-პატარა ულუფებით. მაგარია, დიეტა რომ არ მჭირდება, რადგან გურმანი ვარ და საყვარელი კერძის გამო ცხრა მთას იქით შემიძლია გადავიდე.

სპორტი



ფიტნეს დარბაზებში არ დავდივარ. სამაგიეროდ, დავრბივარ ლისის ტბაზე, კუს ტბაზე. მე და ბავშვები ბევრს დავდივართ ფეხით. საღამოობით კი, ბავშვები რომ დაიძინებენ, მე და ამისულა გავდივართ და ერთად დავდივართ. სიარულისას ვლაპარაკობთ, ვუყვებით ერთმანეთს რაღაცებს და ძალიან მოგვწონს ეს ერთობლივი გასვლები.

თავის მოვლა

ჩვეულებრივად. ჯერ 31 წლის ვარ და არ მგონია, რომ რაღაც განსაკუთრებული ჩარევა იყოს საჭირო. დანარჩენს, ცოტ-ცოტას ყველაფერს ვაკეთებ.



ინსტაგრამი 

კვლავ ვმეგობრობთ და ის ჩემი საქმიანობის შემადგენელი ნაწილია. ახლა უფრო ჩემი ბრენდის ინსტაგრამზე ვარ გადართული, ვიდრე საკუთარზე. ხშირად მწერენ გოგოები და რჩევებს მეკითხებიან. ვცდილობ ყველას ვუპასუხო. იცით, განსაკუთრებულად არ ვამზადებ ინსტაგრამზე დასადებ ჩემს ფოტოებს. მგონი იმიტომაცაა ეს გვერდი პოპულარული გამომწერებში, რომ იქ ვარ ისეთი, როგორიც ვარ. მაგალითად, არ ვიხატები სპეციალურად ინსტაგრამისთვის და არ ვიწერ ტანსაცმელს იმისთვის, რომ ერთხელ გამოვდო ინსტაგრამზე და მერე არასდროს ჩავიცვა. კიდევ ერთი, რასაც ვცდილობ ისაა, რომ სახლში ბავშვები რომ მოდიან, მოვისვრი ხოლმე ტელეფონს და ვიდრე არ დაიძინებენ, ვცდილობ (ხან გამომდის, ხან - არა), მაგრამ ვცდილობ სულ მათთან ვიყო.

სიახლე

სიახლე იქნება და ძალიან მალე, მაგრამ ჯერ ამას ვერ გაგიმხელთ.

ტექსტი: ნატალია ყიფიანი
ფოტო: თაკო სკრიპნიჩენკო
მაკიაჟი: ნინო მარტაშვილი
Print ელ-ფოსტა
FaceBook Twitter Google
ამავე კატეგორიაში
ჰემინგუეის
მონათხრობი
ჰემინგუეის მონათხრობი
10:39 / 12.06.2020
ცნობილი ნორვეგიული
ბრენდი საქართველოში
ცნობილი ნორვეგიული ბრენდი საქართველოში
07:17 / 05.06.2020
კარანტინის 2 თვე... ჩემთვის
ერთგვარი აღმოჩენების პერიოდი...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020
იცხოვრე, რომ მოჰყვე, და რა აქცევს
ამბავს ამბად, თუ არა მისი მოყოლა.
(მარკესი, ფოლკნერი)
იცხოვრე, რომ მოჰყვე, და რა აქცევს ამბავს ამბად, თუ არა მისი მოყოლა. (მარკესი, ფოლკნერი)
13:22 / 10.05.2020
ისევ ყველა დღე
ერთმანეთს რომ გავს და უკეთესი მომავლის იმედი რომ
დაუცხრომელია...
ისევ ყველა დღე ერთმანეთს რომ გავს და უკეთესი მომავლის იმედი რომ დაუცხრომელია...
09:38 / 08.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
სიყვარულით „შატო მერედან”
ჰემინგუეის მონათხრობი
10:39 / 12.06.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
და მიდიოდა დღე კარანტინისა...
"ყოფიერების აუტანელი სიმსუბუქე"
07:31 / 24.04.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ვალუტა
EUR
EUR
1
3.4593
TRY
TRY
1
0.4460
USD
USD
1
3.0624
ამინდი
ბორჯომი 16 °C
img
სოხუმი 21 °C
img
ახალქალაქი 11 °C
img
გამოწერა