City News
ეკკო პაუზა
ყოფილხართ ოდესმე სახლში, სადაც ყველა, ოღონდ მართლა ყველა დეტალი განსაკუთრებულად ლამაზი და გამორჩეულია? სწორედ ასეთ სახლში მასპინძლობს "სითის" გუნდს ჩვენი თაობის ყველაზე გამორჩეული ხელოვანი, რუსუდან ფეტვიაშვილი. "სითიში" ის უკვე ტრადიციადქცეული რუბრიკის, "ეკკო პაუზის" სტუმარია.


რუსუდან ფეტვიაშვილი, მხატვარი

ჩვენს ოჯახში ტრადიცია ჩამოყალიბდა: თუ საქართველოში ვართ, განტვირთვისა და თავისუფალი დროის გასატარებლად, ხშირად ან ჩვენთან, სახლში ვიკრიბებით ან მცხეთაში. ჩემს ძმისშვილებს, დისშვილებს, აქ ან სათამაშოები აქვთ შენახული, ან სახატავები. ამ სახლში ყველას თავისი ადგილი აქვს. მიყვარს, როდესაც ჩემი ახლობლები, მეგობრები და ოჯახის წევრები აქ იკრიბებიან.
მე და ჩემს მეუღლეს ჩვენებური განტვირთვა ჩამოგვიყალიბდა. როცა თავისუფალი დრო გვაქვს და ამოსუნთქვა გვჭირდება, მივდივართ მცხეთაში,ჯვრის მონასტერთან, მთიდან გადასახედზე. მიგვაქვს გასაშლელი სკამები, ყავა. ვსხდებით, ვსაუბრობთ და ვტკბებით ულამაზესი ხედებით. უკვე წლებია ასე ვაკეთებთ. ეს ჩემთვის სხვანაირად ბედნიერი ადგილია. სხვათა შორის, შემჩნეული მაქვს, რომ ძალიან ბევრი პრობლემის გადაჭრა თავისთავად, სწორედ მცხეთაში ხდება. ესაა ჩემი ყველაზე საყვარელი "პაუზა", როცა საქართველოში ვარ. 



საქმიან მხარეს რაც შეეხება, მუდმივად ვმუშაობ, ვაგზავნით ნამუშევრებს საზღვარგარეთ, სადაც ეწყობა სხვადასხვა გამოფენა. საქართველოშიც ბევრ პროექტში ვარ ჩართული. ისეთებში, რომელიც მსიამოვნებს. ვფიქრობ სწორედ ესაა მთავარი და ყველაზე ღირებული - იმუშაო იმ თემებზე, რომელიც გსიამოვნებს. ჩემთვის ეს თავისუფლებისა და სიხარულის გამოხატულებაა.
სულ მალე ჩემი და "ვილეროი და ბოხის" ერთობლივი პროქტის მეორე ნაწილი გამოვა. ჭიქების შემდეგ, ეს იქნება შეზღუდული რაოდენობის, ექსკლუზიური სანამცხვრეები. მათზე დატანილი ნახატების თემატიკა თითქმის იგივეა. გრძელდება სიყვარულის, ჰარმონიისა და სიძლიერის ხაზი.

სალომე ფეტვიაშვილი, მხატვარ-დიზაინერი 

თავისუფალ დროს ძალიან დიდ სიამოვნებას მანიჭებს, ჩემს შვილებთან ერთად, რუსუდანთან სტუმრობა. როდესაც მათ ვეკითხები სად წავიდეთ, პარკში გავისეირნოთ, თუ რომელიმე გასართობ ადგილას, ერთხმად მპასუხობენ _ "რუსუდანთან და თემურისთან!". აქ ყოფნა განსაკუთრებით უყვართ მათაც და მეც.




რუსუდანი არის ადამიანი, რომელსაც მუდმივად უჩნდება ახალი იდეები. ძალიან მრავალმხრივია _ ხატავს ტორშერებზე, ბრებზე, შირმებზე, კედლებზეც. აი, ხედავთ კიდეც... ეს ყველაფერი იმდენად ლამაზი გამოდის, რომ გვინდა ბევრი იყოს. ერთ-ერთი საინტერესო იდეის განხორციელებაში, რომელიც მას და თემურის გაუჩნდათ, მეც ჩავერთე. საფრანგეთში, რუსუდანის გამოფენებზე, შარფებზე მის ნამუშევრებს ვბეჭდავდით სუვენირებად. აქედან გაჩნდა იდეაც. სულ მალე ასეთი შარფების შეძენა ჩვენი საიტიდან იქნება შესაძლებელი. სხვათა შორის, შარფი მარტო აქსესუარი არ არის, მისი გამოყენება ინტერიერში, ნახატის სახითაც შეიძლება.

თემურ ბადრიაშვილი, რეჟისორი

უახლოეს მომავალში, თბილისში, გალერეის გახსნასაც ვგეგმავთ. გამოცდილება უკვე გვაქვს _ ბათუმში საკმაოდ წარმატებული გალერეა გვქონდა. თუმცა, სეზონურობიდან გამომდინარე, ახლა მსგავსი სივრცის გახსნა თბილისში გვინდა. ეს იქნება კაფე-გალერეა, მეგობრების შეხვედრის ადგილი ან, უბრალოდ, ადგილი განტვირთვისთვის, სადაც ადამიანი შემოვა, დროს გაატარებს ნახატების გარემოში, მიირთმევს ყავას, გემრიელ დესერტთან ერთად და ისიამოვნებს იქაური ატმოსფეროთი და სიტუაციით.




ჩემი და რუსიკოს "პაუზა" ფაქტობრივად ერთნაირია. სულ ერთად ვართ. ამიტომ, თავისუფალი დროც ორივეს ერთდროულად გვიჩნდება. წლებია ტრადიციად ჩამოგვიყალიბდა მცხეთაში განტვირთვა... ხშირად გვაქვს მეგობრული და ოჯახური დღეებიც, სწორედ აქ, ჩვენს სახლში.

ტექსტი: ანა არაბიძე 
ფოტო: ლიზა გაბუნია
Print ელ-ფოსტა
FaceBook Twitter Google
ამავე კატეგორიაში
ბაკურიანში, დიდველის გზას რომ აუყვებით,
ადვილად შენიშნავთ სასტუმროს, რომელიც თავისი დასამახსოვრებელი ჰოლით
ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის
ბაკურიანში რომ დაგაბრუნებთ. ვისაც ბაკურიანი უყვარს, ალბათ
დამეთანხმება, რომ ეს ადგილი თავის ხიბლს წელიწადის ნებისმიერ დროს
ინარჩუნებს. ზამთარში, თოვლით დაფარული მთები,
ბაკურიანში, დიდველის გზას რომ აუყვებით, ადვილად შენიშნავთ სასტუმროს, რომელიც თავისი დასამახსოვრებელი ჰოლით ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის ბაკურიანში რომ დაგაბრუნებთ. ვისაც ბაკურიანი უყვარს, ალბათ დამეთანხმება, რომ ეს ადგილი თავის ხიბლს წელიწადის ნებისმიერ დროს ინარჩუნებს. ზამთარში, თოვლით დაფარული მთები, "ხიჟინები", ქუჩაში მოსიარულე მარხილები, გლინტვეინი, ბევრი ნაცნობი თუ უცნობი ადამიანი, ნამდვილ "ბაკურიანობას" ქმნის. გაზაფხული და შემოდგომა შედარებით მშვიდია. შაბათ-კვირას დასვენების მოყვარულებისთვის, ვისაც ცოტა ხნით უნდა, რომ გაექცეს ქალაქის ტემპს და სუფთა ჰაერზე, სიმშვიდეში დაისვენოს, იდეალურია.

ზაფხულში ბაკურიანში ნამდვილი დღესასწაული იწყება. აქ მთავარი ამბებს პატარები ქმნიან. სწორედ ეს პატარა ვიზიტორები არიან ბაკურიანის მთავარი ელჩები. მათ იმდენად უყვართ აქ დასვენება, რომ სადაც არ უნდა წავიდნენ არდადეგებზე, ზაფხულის რამდენიმე დღის გატარება ბაკურიანში მაინც უნდათ. ამისთვის კი, ყველას თავისი მიზეზი აქვს.

ზაფხულში, ბაკურიანში ყოველდღე გინდა რომ ისეირნო პარკიდან ტყეში, ტყიდან კოხტაზე, კოხტადან მინდვრის ყვავილებით აყვავებულ დიდველზე და ასე, დაუსრულებლად. რაც მთავარია, გინდა რომ დაისვენო ოჯახთან, მეგობრებთან ერთად ისე, რომ თავი იგრძნო სახლში ან საკუთარ აგარაკზე. სწორედ ასეთი დასვენების ადგილია - "ჰილტოპ ბაკურიანი". სასტუმროს იდეალური მდებარეობის გამო, მარტივად დაგეგმავთ თქვენი დღის მარშრუტებს. სასტუმროში დაბრუნებისას კი, თქვენს კომფორტსა და დასვენებაზე "ჰილტოპ ბაკურიანის" გუნდი იზრუნებს. სასტუმროს ეზო თქვენი შვილების და მათი თანატოლების შეხვედრის ადგილი გახდება. თქვენ აივნიდან, ფინჯანი ყავით ხელში, ულამაზესი ხედებით დატკბებით და თან შვილების თამაშს თვალს მიადევნებთ. თუ ერთხელ მაინც მოხვდებით ამ სასტუმროში, მომდევნო სეზონისთვის საუკეთესო ნომერს წინასწარ დაჯავშნით და თქვენს გამოცდილებას ახლობლებსაც თამამად გაუზიარებთ.

მაშ ასე, გახსოვდეთ შეხვედრის ადგილი ბაკურიანში - "ჰილტოპ ბაკურიანი"!


10:03 / 04.08.2020
"ნიკორას" შესანიშნავი სამეულის დეგუსტაცია
09:43 / 04.08.2020
ჰემინგუეის
მონათხრობი
ჰემინგუეის მონათხრობი
10:39 / 12.06.2020
ცნობილი ნორვეგიული
ბრენდი საქართველოში
ცნობილი ნორვეგიული ბრენდი საქართველოში
07:17 / 05.06.2020
კარანტინის 2 თვე... ჩემთვის
ერთგვარი აღმოჩენების პერიოდი...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
"აგარაკობა" წავკისში
"ნიკორას" შესანიშნავი სამეულის დეგუსტაცია
09:43 / 04.08.2020
"სითის" მასტერკლასი „გასტრონომში“
"სითიივენთი" ჯერ არა, მაგრამ პანდემიის შემდეგ, პირველი მასტერკლასი "გასტრონომთან" ერთად, შედგა.
10:09 / 03.08.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ვალუტა
EUR
EUR
1
3.6021
TRY
TRY
1
0.4402
USD
USD
1
3.0719
ამინდი
ბორჯომი 13 °C
img
სოხუმი 19 °C
img
ახალქალაქი 9 °C
img
გამოწერა