City News
7 წელი ბოლო ზარიდან
7 წლის წინ, 18 წლის გოგო ვიყავი, რომელიც ამერიკულ აკადემიაში სწავლობდა და ძალიან უნდოდა ამერიკაში სასწავლებლად წასვლა. საზოგადოებრივ აზრს თუ დავუჯერებთ, უცხოურ უნივერსიტეტში მოხვედრა რთულია. მაგრამ, მე საპირისპიროს ვიტყვი: მოხვედრა ადვილია. მთავარი სირთულე საზღვარგარეთ დამოუკიდებლად, ჯანსაღი წესით ცხოვრება და სწავლის წარმატებით დასრულებაა.
ჩემი დამოუკიდებელი ცხოვრება ბოსტონში, Northeastern-ის უნივერსიტეტის ბიზნესსკოლაში დაიწყო. მოსახვედრად, თბილისში ინგლისური ენის ტესტი (TOEFL) და სტანდარტული ტესტი (SAT) დავწერე და, ჩემი ქულების მიხედვით, აპლიკაცია ამერიკის უნივერსიტეტებში გავაგზავნე. პასუხები მარტში უნდა მოსულიყო. მახსოვს, მთელი სკოლა ერთად ველოდებოდით. მაშინ, არჩევისას, თავად უნივერსიტეტებისთვის დიდი მნიშვნელობა არ მიმინიჭებია. ვიცოდი რომელ ქალაქში მინდოდა სწავლა. არჩევანს ვაშინგტონსა და ბოსტონს შორის ვაკეთებდი და, საბოლოოდ, ბოსტონი ვამჯობინე. ალბათ, დღეს სხვა კრიტერიუმით ავარჩევდი უნივერსიტეტს, მაგრამ ბოსტონის არჩევა ყველაზე კარგი გადაწყვეტილება იყო ჩემს ცხოვრებაში. 

სწავლის პროფილის არჩევაც ადვილი გადასაწყვეტი იყო _ ყოველთვის ვიცოდი, რომ ბიზნესის სწავლა მინდოდა და კონცენტრაციად ფინანსები და მეწარმეობა ავირჩიე. ამერიკული განათლების სისტემის დიდი უპირატესობა ე.წ. ლიბერალური მოდელია, სადაც პირველივე წელს არ გჭირდება პასუხი კითხვაზე _ "ვინ მინდა გამოვიდე". პირველ წელს ზოგად საგნებს სწავლობ, შემდეგ _ ინტერესის მიხედვით პროფილი ვიწროვდება და მესამე-მეოთხე კურსზე შენთვის სასურველი კონცენტრაციის სპეციფიკურ საგნებს ირჩევ. ჩემი რჩევაა ამ არჩევანის, შეძლებისდაგვარად, დროში გაწელვა. მნიშვნელოვანი გადაწყვეტილებაა და საკმარისად ნაფიქრიც უნდა იყოს. სწორედ აქ არის გამართლებული აჯანყება მშობლების წინააღმდეგ, რომლებიც ამ არჩევანს გვართმევენ. არც პროფესიის შეცვლაა გამოუვალი მდგომარეობა, მაგრამ უნივერსიტეტი გაძლევს იმის საშუალებას, რომ გამოსცადო სხვადასხვა პროფესია და მეტი მოქნილობა გქონდეს საკუთარი თავის აღმოჩენის პროცესში. 




საკუთარი თავი მე ბოსტონში აღმოვაჩინე, სადაც სამნახევარი წელი ვიცხოვრე და ერთწლიანი სამუშაო პრაქტიკა გავიარე. მგონია, რომ უნივერსიტეტის დასრულების გადავადება ძალიან კარგი გადაწყვეტილება იყო. სამუშაო პრაქტიკა ერთგვარი ტესტია იმისა, რომ გაიგო სწორ პროფესიას ეუფლები თუ არა და თან, სამუშაო გარემოში ნახო რა არის ის, რაც მოგწონს და რაც არა _ იქნება ეს კორპორაციული კულტურა თუ დრესკოდი. ე.წ. gap year-ის აღების იდეაც მომწონს (ერთწლიანი შუალედი, სკოლას და უნივერსიტეტს შორის, რომელსაც მოგზაურობაში და ან მუშაობაში ატარებ). მოკლედ, მივესალმები ყველაფერს, რაც ხელს გიწყობს ზრდასრული ცხოვრების დაწყებაში.

მე ბოსტონში მოუმზადებელი წავედი, მაგრამ ჯანსაღი წესით ცხოვრებამ დიდი როლი ითამაშა ჩემი სწავლის წარმატებით დასრულებასა და დამოუკიდებელ ადამიანად ჩამოყალიბებაში. ჯანსაღ ცხოვრებაში მხოლოდ კვებას და ძილს არ ვგულისხმობ _ კრიტიკულად მნიშვნელოვანია ემოციური კეთილდღეობა, რაშიც საკმარისი ძილი და კარგი კვება აუცილებლად გვეხმარება. ბალანსი მეცადინეობას და გართობას, გამოცდილებას და გამოუცდელობას, ლიბერალიზმსა და კონსერვატიულობას შორის, არცთუ ისე ადვილი მოსაძებნია. მაგრამ, როგორც შვილებმა, უნდა ვეცადოთ რომ ეს ბალანსი ისე ვეძებოთ, რომ მშობლების იმედები და წარმოდგენები გავითვალისწინოთ და როგორც მშობლებმა, მივცეთ შვილებს ის თავისუფლება და კომფორტი, რომ იპოვონ საკუთარი თავი და სრულფასოვან და ბედნიერ ადამიანებად ჩამოყალიბდნენ. ამ პროცესში ყველაზე მნიშვნელოვანი გულახდილი კომუნიკაციაა მშობლებს და შვილებს შორის. სირცხვილის, განსჯის და თავისუფლების შეზღუდვის გარეშე.




დღეს, 7 წლის შემდეგ, საინვესტიციო ოფიცერი ვარ "საქართველოს კაპიტალში", რომელიც "საქართველოს ბანკის", "ევექსის", "მ2"-ის, "თელიანი ველის", "საქართველოს წყალკანალის", "ალდაგის" და სხვა კომპანიების ჰოლდინგია. ადაპტაციის პროცესმა უმტკივნეულოდ ჩაიარა ოჯახის, ახლო მეგობრების და მხარდამჭერი კოლეგების დახმარებით. თბილისში მომზადებული დავბრუნდი. ვიცოდი ვინ ვიყავი, რა მინდოდა და როგორ უნდა მიმეღწია ჩემი მიზნებისთვის. სწორედ ამ ზუსტი ხედვით და მოლოდინებით შევძელი იმედგაცრუების თავიდან აცილება, რომელიც ახასიათებს სტუდენტების საქართველოში დაბრუნებას.

დღეს, დიდი სიამოვნებით ვიქნებოდი მეთორმეტეკლასელი და თავიდან განვიცდიდი იმ თავგადასავალს, რომელსაც საუნივერსიტეტო წლები ჰქვია. ვიქნებოდი უფრო ცნობისმოყვარე, გამბედავი, თავისუფალი აღქმაში და ქცევაში. სწორედ ეს იქნება ჩემი ყველაზე დიდი რჩევა მეთორმეტეკლასელებისთვის.


ანა გვალია
Print ელ-ფოსტა
FaceBook Twitter Google
ამავე კატეგორიაში
ინტერვიუ ემბრიოლოგ ნინო
კუჭუხიძესთან
ინტერვიუ ემბრიოლოგ ნინო კუჭუხიძესთან
13:15 / 10.12.2019
27 წლიანი გამოცდილების მქონე
კომპანია
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
"ლიფერენთის" სხეულის მოვლის პროცედურები
13:01 / 10.12.2019
მისი ღიმილი, ალბათ, ყველას გახსოვთ.
სამედიცინო საქმიანობას ტელეწამყვანობა იმდენად წარმატებულად
შეუთავსა, რომ მისი პროფესიული არჩევანის სისწორეზე რიგით ადამიანებს
კითხვები გაუჩინა.
ისი ღიმილი, ალბათ, ყველას გახსოვთ. სამედიცინო საქმიანობას ტელეწამყვანობა იმდენად წარმატებულად შეუთავსა, რომ მისი პროფესიული არჩევანის სისწორეზე რიგით ადამიანებს კითხვები გაუჩინა.
16:06 / 09.12.2019
ესეც ჩემი მეორე თვე და მეორე
ბლოგი. გეტყვით გულახდილად - მარტივი არ არის და ვებრძვი მთელი გულითა
და სხეულით.
ესეც ჩემი მეორე თვე და მეორე ბლოგი. გეტყვით გულახდილად - მარტივი არ არის და ვებრძვი მთელი გულითა და სხეულით.
15:59 / 09.12.2019

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
ეს დღე ისე მახსოვს, თითქოს გუშინ იყო...
07:18 / 19.10.2017
რედაქტორის რჩევა

სხვა სიახლეები
იმოგზაურე "კაპიტან პლუსთან" ერთად!
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
რესტორანი "ათი"
ქართული სამზარეულოს ახალი ერა
12:42 / 07.12.2019
ჩანჩიკას ვიტრაჟებიანი სახლი
ბაგებში, ერთ გამწვანებულ ფერდობზე მდგარ კორპუსში, რომლის უკანაც ტყე და ხასხასა სიმწვანე მოსჩანს, მხატვარ-ვიზაჟისტ ეკა ჩანჩიბაძის უმშვენიერესი სახლია. სწორედ მის დასათვალიერებლად ვესტუმრეთ ეკას. პირველი და ყველაზე შთამბეჭდავი, რაც თვალში უეცრად მომხვდა, უზარმაზარი ვიტრაჟებია, საიდანაც ქალაქის ულამაზესი ხედი იშლება. დაახლოებით 6 მეტრამდე სიმაღლის ჭერი, ინტერიერის დახვეწილი, მშვიდი ფერებით შეზავებული სტილი, ბევრი სიმწვანე, საკუთარი ხელით შექმნილი ნივთები და სივრცის დაუვიწყარი შეგრძნება - ასეთია შთაბეჭდილებები ეკას სახლიდან, რომლის აღმოსაჩენად მას ზუსტდ ორი წელი დასჭირდა.
11:22 / 13.07.2019
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ვალუტა
EUR
EUR
1
3.2606
TRY
TRY
1
0.5077
USD
USD
1
2.9446
ამინდი
ბორჯომი -3 °C
img
სოხუმი 5 °C
img
ახალქალაქი -7 °C
img
გამოწერა