City News
სკოლას რომ ვამთავრებდი
სკოლას რომ ვამთავრებდი, გული მწყდებოდა სკოლის პერიოდი რომ სრულდებოდა და თან დაბნეული ვიყავი მომავალზე ფიქრით... ათას რამეზე მეფიქრებოდა. უნივერსიტეტი და პროფესიის არჩევა, ერთ-ერთი ყველაზე მნიშვნელოვანი გადაწყვეტილებაა ცხოვრებაში. შესაბამისად, მეც ვღელავდი, ჯერ კიდევ მეშინოდა იმის გაცნობიერება, დამოუკიდებელი რომ ვხდებოდი და მარტო რომ უნდა მეცხოვრა უდარდელად გაზრდილ ბავშვს. ვერც კი ვხვდებოდი ასეთ საინტერესო გზაზე თუ მომიწევდა სვლა და ამიტომ, მთელი გულით გიზიარებთ ჩემს გამოცდილებას რომელიც ამ დროის განმავლობაში დავაგროვე.
ესპანეთში ვსწავლობ, მარბეია (Marbella) ჰქვია ქალაქს, ანდალუსიის მხარეშია.Les Roches International School of Hotel Management-ის უნივერსიტეტში, ტურიზმის და სასტუმროს მართვის ფაკულტეტზე. სწავლა 2017 წლის აგვისტოში დამეწყო. ისეთ დროს დავტოვე თბილისი, ზაფხულის ყველაზე კარგი დღეები რომ იწყებოდა; გართობა, ზღვა და მეგობრები... ხვდებით ალბათ, როგორ რთულად მეჩვენებოდა აქ წამოსვლა, მაგრამ გულში მაინც მქონდა იმედი, რომ სწორ ადგილას, სწორ მომენტში მივდიოდი. ჩამოვედი. ესპანეთში მანამდე ნამყოფი არასდროს ვიყავი. ესეც ერთგვარი გამოწვევა იყო ჩემთვის და მეორე დღესვე უნივერსიტეტში წასასვლელად გავემზადე. შევუდექი ახალი ცხოვრების შეცნობას. მახსოვს, შევდგი თუ არა პირველი ნაბიჯი ამ ადგილას, მას მერე ბედნიერებას არ დავუტოვებივარ მარტო… სრულიად უცხო გარემოს, ხალხს, მალევე შევეჩვიე. ბევრი სირთულე იყო ნამდვილად. უნივერსიტეტი მთლიანად კულტურული მრავალფეროვნებისგან შედგება. ყველა ეროვნების ხალხი სწავლობს. უამრავი ადამიანი გავიცანი. ყველა განსხვავებული იყო. მანამდე არასდროს მქონია ყოველ წამს სხვადასხვა ადამიანთან შეხვედრის ამხელა გამოცდილება. ცოტა შემეშინდა კიდეც. გავიდა დრო და თითოეული ადამიანი ჩემთვის ახალ გამოცდილებად იქცა. შევიცანი ყველა ქვეყნის კულტურა, ტრადიციები და მეც, მთელი ცხოვრება საქართველოში გაზრდილი გოგო, უცბად მსოფლიოს ყველა ადგილას ნამყოფი აღმოვჩნდი. ამ ყველაფერმა დიდი სიძლიერე შემატა ჩემს პიროვნულ განვითარებას და მივხვდი, არ უნდა გვეშინოდეს სირთულეების, ისინი გამიზნულად მოდიან ჩვენს ცხოვრებაში. მოდიან იმიტომ, რომ ჩვენი შესაძლებლობები დაგვანახონ.

ყოველთვის მერჩია ჩრდილში მევლო, ვიდრე ხალხის წინ წარვმდგარიყავი. მეგონა განსაკუთრებული არაფერი მქონდა ისეთი, ხალხისთვის საინტერესო რომ ყოფილიყო. და აი, ზუსტად აქედან დაიწყო ჩემი პიროვნული ზრდა. როდესაც გავაცნობიერე რომ რაღაცის შიში მქონდა, დავიწყე ამ შიშისთვის თვალების გასწორება და პირდაპირ შეჯახება. ყველაფრის ინიციატორი მე გავხდი _ დიდი აუდიტორიის წინ გამოვედი, ჩემს თავზე მოვყევი, უნივერსიტეტის ამბასადორიც გავხდი, რაც ყოველდღე ადამიანებთან ურთიერთობას, სულ აქტიურად ყოფნას და ხალხის მოტივირებას გულისხმობს. სულ სიახლეების ძიების პროცესში ვიყავი და ბევრი ვიმუშავე ჩემს თავზე. ვიცოდი, ბევრ შეცდომას ვუშვებდი და ეს შეცდომები არ უნდა დამეშვა, მაგრამ მერე მივხვდი, სწორედ შეცდომებს მივყავართ სწორ გზამდე. მივდივართ გზაზე, რომელზეც ბევრი დაბრკოლება გვხვდება. სულ სირთულეებს მოიცავს… თავიდან, გვეშინია არ წავიქცეთ, არ დავიკარგოთ და ხშირად ასეც ხდება. ძალიან ვიღლებით, მაგრამ ბოლოს, ვახერხებთ მწვერვალზე ასვლას, საიდანაც ულამაზესი ხედი იშლება. ყველაფერი ლამაზია… ვდგავართ, სუფთა ჰაერს ვსუნთქავთ და ვხვდებით, რომ ჩვენ ეს შევძელით. ზუსტად ეს არის ის მომენტი, როდესაც ვაცნობიერებთ, რომ შრომა დაფასდა, რომ ჩვენს მიზნებს მივაღწიეთ და აღარაფერი გვაშინებს. ალბათ იმის გარდა, რომ იქ მარტო ვართ. უფრო მეტსაც გეტყვით… პიროვნული განვითარებისთვის არავინ არის საჭირო. მარტოობაში იზრდება ჩვენი სული და მხოლოდ მარტოობაში შეგვიძლია ჩვენი თავი შევიცნოთ. ყველანაირი ურთიერთობა რაც გვაქვს, ისევ მხოლოდ ჩვენს თავთან ურთიერთობაა. ყველა ადამიანი, ვინც ცხოვრების მანძილზე გვყავს, გრძნობებით გვამდიდრებს და გამოცდილებას გვაძლევს ისევ იმიტომ, რომ საკუთარი თავი ვიპოვოთ. ჰოდა, ამ საინტერესო გზაზე, რომელიც ყველა თქვენთაგანს, მომავალ ვარსკვლავს, გელოდებათ, ნუ შეშინდებით თუნდაც იმით, რომ მარტო ხართ ან ნუ შეშინდებით, რომ თქვენ არ გაქვთ ის თვისებები და უნარები, რაც სხვებს აქვთ. ყველაფერზე მუშაობა შეგიძლიათ, მთავარია გააცნობიეროთ, რომ თქვენი სიძლიერე ის არის, რომ თქვენ-თქვენ ხართ და არ გავხართ სხვას. ამის შემდეგ, ბევრს მიაღწევთ და თავად დარწმუნდებით, რამდენი რამ შეუძლია შეცვალოს ერთმა ადამიანმა და როგორ შეუძლია, რომ ეს ბედნიერება და წარმატება სიტყვების გარეშე გამოასხივოს სხვებისთვის… გისურვებთ წარმატებებს, მთელი გულით.

P.S ეს მხოლოდ დასაწყისია. ბევრი მუშაობა მჭირდება მომავალშიც. უბრალოდ, უკვე ვიცი როგორ უნდა ვიარო სწორი მიმართულებით, წარმატების გზისკენ... გიყვარდეთ მთელი გულით, იყავით პირველ რიგში უბრალო ადამიანი და დანარჩენს ცხოვრება განახებთ, სწორ გზაზე დაგაყენებთ და ბევრი სიურპრიზით აგავსებთ.
ნუცა მიქელაძე
Print ელ-ფოსტა
FaceBook Twitter Google
ამავე კატეგორიაში
ინტერვიუ ემბრიოლოგ ნინო
კუჭუხიძესთან
ინტერვიუ ემბრიოლოგ ნინო კუჭუხიძესთან
13:15 / 10.12.2019
27 წლიანი გამოცდილების მქონე
კომპანია
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
"ლიფერენთის" სხეულის მოვლის პროცედურები
13:01 / 10.12.2019
მისი ღიმილი, ალბათ, ყველას გახსოვთ.
სამედიცინო საქმიანობას ტელეწამყვანობა იმდენად წარმატებულად
შეუთავსა, რომ მისი პროფესიული არჩევანის სისწორეზე რიგით ადამიანებს
კითხვები გაუჩინა.
ისი ღიმილი, ალბათ, ყველას გახსოვთ. სამედიცინო საქმიანობას ტელეწამყვანობა იმდენად წარმატებულად შეუთავსა, რომ მისი პროფესიული არჩევანის სისწორეზე რიგით ადამიანებს კითხვები გაუჩინა.
16:06 / 09.12.2019
ესეც ჩემი მეორე თვე და მეორე
ბლოგი. გეტყვით გულახდილად - მარტივი არ არის და ვებრძვი მთელი გულითა
და სხეულით.
ესეც ჩემი მეორე თვე და მეორე ბლოგი. გეტყვით გულახდილად - მარტივი არ არის და ვებრძვი მთელი გულითა და სხეულით.
15:59 / 09.12.2019

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
ეს დღე ისე მახსოვს, თითქოს გუშინ იყო...
07:18 / 19.10.2017
რედაქტორის რჩევა

სხვა სიახლეები
იმოგზაურე "კაპიტან პლუსთან" ერთად!
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
რესტორანი "ათი"
ქართული სამზარეულოს ახალი ერა
12:42 / 07.12.2019
ჩანჩიკას ვიტრაჟებიანი სახლი
ბაგებში, ერთ გამწვანებულ ფერდობზე მდგარ კორპუსში, რომლის უკანაც ტყე და ხასხასა სიმწვანე მოსჩანს, მხატვარ-ვიზაჟისტ ეკა ჩანჩიბაძის უმშვენიერესი სახლია. სწორედ მის დასათვალიერებლად ვესტუმრეთ ეკას. პირველი და ყველაზე შთამბეჭდავი, რაც თვალში უეცრად მომხვდა, უზარმაზარი ვიტრაჟებია, საიდანაც ქალაქის ულამაზესი ხედი იშლება. დაახლოებით 6 მეტრამდე სიმაღლის ჭერი, ინტერიერის დახვეწილი, მშვიდი ფერებით შეზავებული სტილი, ბევრი სიმწვანე, საკუთარი ხელით შექმნილი ნივთები და სივრცის დაუვიწყარი შეგრძნება - ასეთია შთაბეჭდილებები ეკას სახლიდან, რომლის აღმოსაჩენად მას ზუსტდ ორი წელი დასჭირდა.
11:22 / 13.07.2019
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ვალუტა
EUR
EUR
1
3.2606
TRY
TRY
1
0.5077
USD
USD
1
2.9446
ამინდი
ბორჯომი -3 °C
img
სოხუმი 5 °C
img
ახალქალაქი -7 °C
img
გამოწერა