City News
ანა კოშაძის "სახლობანა"
მოგზაურობა ""იტალიურ შოურუმ ლაბორატორიაში"
თუკი ჩვენს "სითიში" იდეალური დიასახლისი არსებობს, ეს უთუოდ ანა კოშაძეა. მისი ინსტაგრამგვერდისთვის თვალის ერთი შევლებაც საკმარისია, რომ მიხვდეთ, შემთხვევით ანა არაფერს არჩევს: არც სახლს, არც ავეჯს, არც კვებას, არც სამოსს და თქვენ წარმოიდგინეთ, არც სპორტდარბაზს. დიდი ოჯახი ქალაქგარეთ ცხოვრობს და თითოეული სივრცე სამ მთავარ მოთხოვნას უნდა აკმაყოფილებდეს: იყოს მაღალი ხარისხის, გემოვნებიანი და ეკოლოგიური მასალებისგან შექმნილი.
ანას ახალი სახლის ინტერიერის აწყობა ვთხოვეთ და ავეჯის მაღაზია "იტალიურ შოურუმ ლაბორატორიაში" მოვიწვიეთ, სადაც პროექტისთვის "სახლობანა" ყველაზე ფართო არჩევანია. სამზარეულო ანას განსაკუთრებული სისუსტეა, რადგან დროის უმეტეს ნაწილს ის, მისი მეუღლე და გოგოები სწორედ აქ ატარებენ, სხვადასხვა ექსპერიმენტის მოსაწყობად.

მოდური სამზარეულოს მშვენიერი დიასახლისი





ეს სამზარეულო განსაკუთრებით მომეწონა იმიტომ, რომ სიმყუდროვის შეგრძნება შემიქმნა და ეს სიმყუდროვე, უპირველეს ყოველისა, ამ "დამჯდარმა" ნაცრისფერმა და თეთრმა ფილებმა გამოიწვია. წელს ძალიან აქტუალურია ამ ფერის სამზარეულოები. მაგრამ, მოდით ვთქვათ სიმართლე - სამზარეულოს ერთ წელიწადში ვერ გამოცვლი. ამიტომ, ფერთა არჩევისას უნდა შეაჩერო ყურადღება შენს ფერზე. ბუნებაში ხასხასა და მყვირალა ფერები მიყვარს. აი სამზარეულოში კი, წყნარი, სადაც სიმკვეთრის მიღწევა სხვადასხვა ფერის აქსესუარითა და მცენარეებით შეიძლება. ძალიან მომწონს ღია თაროების სიმრავლე ამ შოურუმში. მისწრებაა დიასახლისებისათვის. სულ უფრო ნაკლებად მომწონს დახურული სივრცეები და ამიტომაც ღია თაროებმა კიდევ ერთი სასიამოვნო აქცენტი დაუსვა ამ სამზარეულოს. ჩემს ოჯახში მრავალნაირ კერძს ვაკეთებთ ყველა, მეც, ჩემი ქმარიც და უკვე გოგოებიც. ამიტომ, ფართოდ გაშლილი სამუშაო მაგიდა საჩვენოა. თან, ღია ფერის ფილებით, რომელიც სისუფთავის შეგრძნებასაც იწვევს და ძალიან ლამაზიცაა.

ფერთა მინიმალიზმი სამზარეულოში




სამზარეულოს ეს ზონა წინამორბედის გაგრძელებასავითაა. მხოლოდ, ოდნავ განსხვავებული აქცენტებით. ესეც ძალიან მოდური ტენდენციაა დღეს. თითქოს გაცოცხლებული კინოკადრია რომელიღაც ცნობილი ფილმიდან, სადაც მოქმედება ძირითადად სამზარეულოში მიმდინარეობს. ძალიან მომწონს ფერთა თამაში. იდეალური ფერებია უამრავი აქსესუარის შემოსატანად. დღეს, მე რომ ვირჩევდე სამზარეულოს, უფრო პასტელურ, დამჯდარ ფერებს ავარჩევდი და ნაკლებად ხისფერს. არ ვიცი, ალბათ იმიტომ, რომ უფრო აქტუალურიცაა და ამავდროულად, კლასიკურიც. არ მოგბეზრდება და ახალი აქსესუარის შეტანით ახალ სიცოცხლეს მისცემ. რაც ძალიან მნიშვნელოვანია, "იტალიური შოურუმი ლაბორატორია" - ეს მასალების უმაღლესი ხარისხი და ეკოლოგიურობაა. მე არ ვფქირობ, რომ სამზარეულო დაბალბიუჯეტიანი უნდა იყოს. პირიქით, იქ, სადაც საქმე კვებას ეხება, უმნიშვნელოვანესია ავეჯის ხარისხი.

დავსხდეთ მაგიდის ირგვლივ



მაგიდა ნებისმიერი სივრცის ცენტრალური შემადგენელია და, მით უფრო, მისაღები ოთახის. ამ ზონის აწყობას პირადად მე მაგიდით ვიწყებ. ამ შოურუმში ვიპოვე ნამდვილი ვარსკვლავი, დიდი და ტევადი მაგიდა თანამედროვე აქცენტებით. ამ მაგიდას ძალზე საინტერესო მინის საყრდენი აქვს, რომელიც იდეალურად "ეთამაშება" ასეთივე მინიმალისტურ მინის თაროებს კედელზე. ამ ზონაში რამდენიმე ფერი დომინირებს, მაგრამ იმდენად ზუსტადაა ეს ფერები შერჩეული, რომ ყველაფერი ორგანულად ჩანს - იქნება ეს მწვანე კედლებზე განთავსებული თაროები, ხისფერი მაგიდა თუ ნაცრისფერი კარადა.

თეთრი, თეთრი საძინებელი



სარისკოა თეთრი ფერი? არა! თუ ეს ხარისხიანი ავეჯია. მე ყოველთვის მომწონს, ჟურნალის ფურცლებზეც და კინოკადრებშიც, თეთრი საძინებლები. პირადად არასდროს მქონია, რადგან ბევრი თქვენგანის მსგავსად, ცოტა მეშინოდა თეთრი ფერის. ამ შოურუმში ვიპოვე იდეალური თეთრი საწოლი _ სწორი ფორმის, ფართო და ორიგინალური ზურგით და, რაც მთავარია, სწორი ტექსტურის. თუ ავეჯის ტექსტილი მაღალი ხარისხისაა, ის ძალიან გამძლეა და მარტივადაც იწმინდება. დღეს მე რომ რეალურ "სახლობანას" ვთამაშობდე ჩემს სახლში, საძინებლად აუცილებლად ამ საწოლს ავარჩევდი. ამ ლამაზი თეთრი მაგიდითა და სარკით. ზოგადად, აქაურ შოურუმზე შემიძლია ვთქვა ის, რომ ხარისხი იმდენად მაღალია, რომ არ საჭიროებს ბევრი აქსესუარით დახუნძვლას. "იტალიური შოურუმი ლაბორატორია" სწორედ მათთვისაა, ვისთვისაც არ არსებობს კომპრომისი ხარისხთან მიმართებაში. ეს ის შემთხვევაა, როდესაც ფრაზა "დამზადებულია იტალიაში" თავის სათქმელს ამბობს.



ტექსტი: თეა ხოფერია
ფოტო: ლეკო ჭყონია


Print ელ-ფოსტა
FaceBook Twitter Google
ამავე კატეგორიაში
ბაკურიანში, დიდველის გზას რომ აუყვებით,
ადვილად შენიშნავთ სასტუმროს, რომელიც თავისი დასამახსოვრებელი ჰოლით
ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის
ბაკურიანში რომ დაგაბრუნებთ. ვისაც ბაკურიანი უყვარს, ალბათ
დამეთანხმება, რომ ეს ადგილი თავის ხიბლს წელიწადის ნებისმიერ დროს
ინარჩუნებს. ზამთარში, თოვლით დაფარული მთები,
ბაკურიანში, დიდველის გზას რომ აუყვებით, ადვილად შენიშნავთ სასტუმროს, რომელიც თავისი დასამახსოვრებელი ჰოლით ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის ბაკურიანში რომ დაგაბრუნებთ. ვისაც ბაკურიანი უყვარს, ალბათ დამეთანხმება, რომ ეს ადგილი თავის ხიბლს წელიწადის ნებისმიერ დროს ინარჩუნებს. ზამთარში, თოვლით დაფარული მთები, "ხიჟინები", ქუჩაში მოსიარულე მარხილები, გლინტვეინი, ბევრი ნაცნობი თუ უცნობი ადამიანი, ნამდვილ "ბაკურიანობას" ქმნის. გაზაფხული და შემოდგომა შედარებით მშვიდია. შაბათ-კვირას დასვენების მოყვარულებისთვის, ვისაც ცოტა ხნით უნდა, რომ გაექცეს ქალაქის ტემპს და სუფთა ჰაერზე, სიმშვიდეში დაისვენოს, იდეალურია.

ზაფხულში ბაკურიანში ნამდვილი დღესასწაული იწყება. აქ მთავარი ამბებს პატარები ქმნიან. სწორედ ეს პატარა ვიზიტორები არიან ბაკურიანის მთავარი ელჩები. მათ იმდენად უყვართ აქ დასვენება, რომ სადაც არ უნდა წავიდნენ არდადეგებზე, ზაფხულის რამდენიმე დღის გატარება ბაკურიანში მაინც უნდათ. ამისთვის კი, ყველას თავისი მიზეზი აქვს.

ზაფხულში, ბაკურიანში ყოველდღე გინდა რომ ისეირნო პარკიდან ტყეში, ტყიდან კოხტაზე, კოხტადან მინდვრის ყვავილებით აყვავებულ დიდველზე და ასე, დაუსრულებლად. რაც მთავარია, გინდა რომ დაისვენო ოჯახთან, მეგობრებთან ერთად ისე, რომ თავი იგრძნო სახლში ან საკუთარ აგარაკზე. სწორედ ასეთი დასვენების ადგილია - "ჰილტოპ ბაკურიანი". სასტუმროს იდეალური მდებარეობის გამო, მარტივად დაგეგმავთ თქვენი დღის მარშრუტებს. სასტუმროში დაბრუნებისას კი, თქვენს კომფორტსა და დასვენებაზე "ჰილტოპ ბაკურიანის" გუნდი იზრუნებს. სასტუმროს ეზო თქვენი შვილების და მათი თანატოლების შეხვედრის ადგილი გახდება. თქვენ აივნიდან, ფინჯანი ყავით ხელში, ულამაზესი ხედებით დატკბებით და თან შვილების თამაშს თვალს მიადევნებთ. თუ ერთხელ მაინც მოხვდებით ამ სასტუმროში, მომდევნო სეზონისთვის საუკეთესო ნომერს წინასწარ დაჯავშნით და თქვენს გამოცდილებას ახლობლებსაც თამამად გაუზიარებთ.

მაშ ასე, გახსოვდეთ შეხვედრის ადგილი ბაკურიანში - "ჰილტოპ ბაკურიანი"!


10:03 / 04.08.2020
"ნიკორას" შესანიშნავი სამეულის დეგუსტაცია
09:43 / 04.08.2020
ჰემინგუეის
მონათხრობი
ჰემინგუეის მონათხრობი
10:39 / 12.06.2020
ცნობილი ნორვეგიული
ბრენდი საქართველოში
ცნობილი ნორვეგიული ბრენდი საქართველოში
07:17 / 05.06.2020
კარანტინის 2 თვე... ჩემთვის
ერთგვარი აღმოჩენების პერიოდი...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
"აგარაკობა" წავკისში
"ნიკორას" შესანიშნავი სამეულის დეგუსტაცია
09:43 / 04.08.2020
"სითის" მასტერკლასი „გასტრონომში“
"სითიივენთი" ჯერ არა, მაგრამ პანდემიის შემდეგ, პირველი მასტერკლასი "გასტრონომთან" ერთად, შედგა.
10:09 / 03.08.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ვალუტა
EUR
EUR
1
3.6021
TRY
TRY
1
0.4402
USD
USD
1
3.0719
ამინდი
ბორჯომი 13 °C
img
სოხუმი 19 °C
img
ახალქალაქი 9 °C
img
გამოწერა