City Story
Khatia In The City
საშემოდგომო გარდერობის 7 აქცენტი

სექტემბერი ის დროა, როცა ცხოვრების ახალი ეტაპი იწყება. თავში უამრავი იდეა ტრიალებს. მოულოდნელად ჩნდება ახალი შესაძლებლობები და გამოწვევები. სწორედ ამ უეცრად გამოჩენილი შესაძლებლობის შედეგია ჩემი პირველი ბლოგი, რომელსაც ახლა კითხულობთ.

მე ვარ ხატია, "სითის" გუნდის ახალი წევრი. ჩემი მიზანია გაგიზიაროთ სიახლეები და საინტერესო ინფორმაცია მოდაზე, თავის მოვლაზე, თქვენი პატარებისთვის აუცილებელ პროდუქტებზე და, პრინციპში, ყველაფერზე, რაც დღეს ჩვენ გვაინტერესებს.
საიდან ასეთი ამბიცია? ამბიცია არა, უფრო სურვილი, მიზანი და გამოცდილება. წლებია Fashion Retail-ის მიმართულებით ვმუშაობ და ჯეი ლოს ცნობილი გმირისა არ იყოს, ამ სფეროს "იქითა" მხრიდანაც კარგად ვიცნობ. აქტიურად ვეცნობი მოდის ტენდენციებს და ვიცი რა სჭირდება მომხმარებელს. ზოგი კომფორტს ანიჭებს უპირატესობას, ზოგი დროის მოთხოვნებს და ზოგიც ორივეს ერთად. ამასთანავე, მინდა გაგიზიაროთ ჩემი გამოცდილება საბავშვო მოდის მიმართულებით, რომელიც მსოფლიოს მასშტაბითაც ახლა ვითარდება. აქ ძალიან ბევრი ნიუანსია, რომელსაც ერთად მოვუყრი თავს.

შვებულებიდან დაბრუნებული, გარდერობთან რომ აღმოვჩნდი, მარტო ერთი კითხვა მიტრიალებდა თავში - ნეტავ აქამდე რა მეცვა ოფისში? ამ ეიფორიიდან გამოსულს, მთელი გარდერობი უკვე გადაწყობილი მქონდა. ფერადი და სიფრიფანა კაბები უკან გადავკიდე, "შემოდგომურ-სამსახურული" სამოსი კი, წინა ფლანგზე გადმოვწიე. თურმე მქონია რაღაცები!

ძველი, ვინტაჟური ტანსაცმელი, რომელიც არასდროს გადადის მოდიდან, რა თქმა უნდა, დავიტოვე. შემდეგ მაღაზიები მოვიარე და აი, რა გამოვიდა:

თანამედროვე პრინცესები

2019 წლის შემოდგომა/ზამთრის ჩვენებებზე ისევ შეგვხვდა ყვავილებიანი, მაქმანებიანი კოლექცია და სამოსი `პრინცესული~ შტრიხებით. თუმცა, ძლიერი ქალის როლს ვერცერთი დიზაინერი ვეღარ გაექცევა. ამიტომ, ეს ყველაფერი ტყავის შავ ქურთუკებთან და "ოვერსაიზ" ფართომხრებიან პიჯაკებთან შეახამეს. მოდის კრიტიკოსებმა ამ მიმდინარეობას იდეალური სახელი შეურჩიეს - „Pretty But Not”.

კიდევ ერთი რამ მამაკაცის გარდერობიდან

კაცებს ტანსაცმელი ჩვენ უკვე დიდი ხანია "მოვპარეთ". მოვპარეთ და წარმატებით ვაქციეთ ჩვენი გარდერობის საბაზისო ნივთებად. კლასიკური კოსტიუმი წელსაც შეუცვლელ სამოსად რჩება ჩვენს გარდერობში. Tibi, Marni, Prada, Max-Mara ეს იმ ბრენდების მცირე ჩამონათვალია, რომლებმაც საუკეთესო ვერსიები შემოგვთავაზეს.




ვესტერნული სტილი

Cowboy Boots
შემოდგომა/ზამთრის გარდერობის შეუცვლელი ნაწილია. თუმცა, მის შეძენამდე აუცილებლად უნდა გახსოვდეთ ერთი რამ - თქვენში უნდა ცხოვრობდეს ძლიერი "ვესტერნგოგონა", რომელიც ისე ბუნებრივად ატარებს ამ ფეხსაცმელს თბილისის ქუჩებში, როგორც ნამდვილი მაჩოები რანჩოზე.

ბეჟი, შავი და გრადაცია მათ შორის

ბეჟი პირველობას ამ სეზონზეც არ თმობს. შავი კი, მუდამ იქნება შავი! 2019 წლის შემოდგომა/ზამთრის ჩვენებებზე გამოჩნდა მათ შორის გარდამავალი ფერებიც: ყავისფერი, მუქი ე.წ. ბისკვიტისფერი. მსგავსი ტონალობის სამოსი აუცილებლად შეიტანეთ თქვენს ყოველდღიურობაში. ეს ისეთი ფერებია, რომელიც განსაკუთრებით უხდება შემოდგომას, ჩვენს კანზე შერჩენილ რუჯს და ოფისს.

განსხვავებული ფორმის ჯინსი

თუ, უბრალოდ, ეცნობით მოდის ტენდენციებს ან ინსტაგრამზე ხშირად ადევნებთ თვალს ბლოგერებს, შეამჩნევდით, რომ Skinny ჯინსების ადგილი თქვენს გარდერობში აღარ არის. მათი ადგილი ახლა მაღალწელიანმა, ფართო ან ე.წ. wide-leg და სწორტოტებიანმა ჯინსებმა უნდა დაიკავოს.




მაღალძირიანი და უხეში ფორმის ბოტასები

მაშინ, როცა 2017 წლის შემოგომა/ზამთრის სეზონზე "ბალენსიაგამ" თავისი სუპერპოპულარული ბოტასები ჩაუშვა გაყიდვაში, იყო მოსაზრებები, რომ ძალიან ცოტა თუ გაბედავდა მის ტარებას. რეალობამ სხვაგვარი ტენდენცია გვიჩვენა და წამყვანმა დიზაინერებმაც არ დააყოვნეს. ეს სტილი 2019 წელსაც აქტუალური დარჩა. ასე რომ, ერთი მაღალძირიანი ბოტასი ყველა ოჯახში!

Quilted Bag ("რელიეფური ჩანთა")

"პრადადან" და "გუჩიდან" დაწყებული "ივ სან ლორანით" დამთავრებული, არცერთმა დიზაინერმა არ აუარა გვერდი რელიეფურ ჩანთებს. ეს ნამდვილი ხელოვნებაა. თანამედროვე და ძველი სტილის შერწყმის იდეალური მაგალითი, რომელიც კლასიკათა შორის კლასიკაა და წელსაც აქტუალურია. ვფიქრობ, "სითის" მკითხველთა ნაწილის გარდერობში, ეს ჩანთები საპატიო ადგილს უკვე იკავებს. ვისაც ჯერ კიდევ არ შეგიძენიათ, საინტერესო ვარიაციების ნახვა შეიძლება დემოკრატიული ფასის მქონე ბრენდებშიც.



ტექსტი: ხატია ჩახვაშვილი
ფოტო: თიკო ჭიღლაძე
ვარცხნილობა/მაკიაჟი: G.BAR



Print ელ-ფოსტა
FaceBook Twitter Google
ამავე კატეგორიაში
ინტერვიუ ემბრიოლოგ ნინო
კუჭუხიძესთან
ინტერვიუ ემბრიოლოგ ნინო კუჭუხიძესთან
13:15 / 10.12.2019
27 წლიანი გამოცდილების მქონე
კომპანია
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
"ლიფერენთის" სხეულის მოვლის პროცედურები
13:01 / 10.12.2019
მისი ღიმილი, ალბათ, ყველას გახსოვთ.
სამედიცინო საქმიანობას ტელეწამყვანობა იმდენად წარმატებულად
შეუთავსა, რომ მისი პროფესიული არჩევანის სისწორეზე რიგით ადამიანებს
კითხვები გაუჩინა.
ისი ღიმილი, ალბათ, ყველას გახსოვთ. სამედიცინო საქმიანობას ტელეწამყვანობა იმდენად წარმატებულად შეუთავსა, რომ მისი პროფესიული არჩევანის სისწორეზე რიგით ადამიანებს კითხვები გაუჩინა.
16:06 / 09.12.2019
ესეც ჩემი მეორე თვე და მეორე
ბლოგი. გეტყვით გულახდილად - მარტივი არ არის და ვებრძვი მთელი გულითა
და სხეულით.
ესეც ჩემი მეორე თვე და მეორე ბლოგი. გეტყვით გულახდილად - მარტივი არ არის და ვებრძვი მთელი გულითა და სხეულით.
15:59 / 09.12.2019

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
ეს დღე ისე მახსოვს, თითქოს გუშინ იყო...
07:18 / 19.10.2017
რედაქტორის რჩევა

სხვა სიახლეები
იმოგზაურე "კაპიტან პლუსთან" ერთად!
27 წლიანი გამოცდილების მქონე კომპანია "კაპიტან პლუსი" ზამთრის სეზონზე გთავაზობთ აქტუალურ სამოგზაურო ტურებს: დუბაი, აბუ დაბი, ტაილანდი, კუბა, ვიეტნამი, მალდივები, მექსიკა, ევროტურები.
13:09 / 10.12.2019
რესტორანი "ათი"
ქართული სამზარეულოს ახალი ერა
12:42 / 07.12.2019
ჩანჩიკას ვიტრაჟებიანი სახლი
ბაგებში, ერთ გამწვანებულ ფერდობზე მდგარ კორპუსში, რომლის უკანაც ტყე და ხასხასა სიმწვანე მოსჩანს, მხატვარ-ვიზაჟისტ ეკა ჩანჩიბაძის უმშვენიერესი სახლია. სწორედ მის დასათვალიერებლად ვესტუმრეთ ეკას. პირველი და ყველაზე შთამბეჭდავი, რაც თვალში უეცრად მომხვდა, უზარმაზარი ვიტრაჟებია, საიდანაც ქალაქის ულამაზესი ხედი იშლება. დაახლოებით 6 მეტრამდე სიმაღლის ჭერი, ინტერიერის დახვეწილი, მშვიდი ფერებით შეზავებული სტილი, ბევრი სიმწვანე, საკუთარი ხელით შექმნილი ნივთები და სივრცის დაუვიწყარი შეგრძნება - ასეთია შთაბეჭდილებები ეკას სახლიდან, რომლის აღმოსაჩენად მას ზუსტდ ორი წელი დასჭირდა.
11:22 / 13.07.2019
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ვალუტა
EUR
EUR
1
3.2606
TRY
TRY
1
0.5077
USD
USD
1
2.9446
ამინდი
ბორჯომი -3 °C
img
სოხუმი 5 °C
img
ახალქალაქი -7 °C
img
გამოწერა