City News
ქართული სახვითი ხელოვნების მუზეუმი ერთი წლისაა!
რუსთაველის #7. 2 ოქტომბერს, ქართული სახვითი ხელოვნების მუზეუმის დაარსებიდან 1 წელი გავიდა. დაბადების დღე მუზეუმმა თანამედროვე არტისტების ჯგუფური გამოფენით და კამერული მუსიკის კონცერტით აღნიშნა. დაბადების დღისადმი მიძღვნილ საღამოზე, ფოიეში, დიმიტრი ერმაკოვის ფოტოკოლექცია იყო წარმოდგენილი, რომელიც ძველ თბილისს და მე-20 საუკუნის დასაწყისში მუზეუმის ადგილას, რუსთაველის 7-ში მდგარ სასტუმრო "ორიანტს" აცოცხლებდა. კამერული მუსიკის კონცერტს მოწვეული სტუმრები ექსპოზიციის დათვალიერების შემდეგ დაესწრნენ. კონცერტის რეპერტუარი სრულად ქართული იყო. მასში მონაწილეობდნენ: დავით ალადაშვილი, ნატალია ქუთათელაძე, ყანჩელის სახელობის სიმებიანი კვარტეტი, ირაკლი ევსტაფიშვილი. სწორედ ამ დღეს გავრცელდა ცნობა გია ყანჩელის გარდაცვალების შესახებ და კონცერტზე "პატარა დანელიადა" დიდი მაესტროს ხსოვნას მიეძღვნა.




გამოფენა "კონტრაპუნქტი"

დამფუძნებლების გადაწყვეტილებით, მუზეუმის დაბადების დღეზე, დროებითი საგამოფენო სივრცე ახალ თაობას დაეთმო. ახალგაზრდა არტისტების ჯგუფური ექსპოზიცია "კონტრაპუნქტი", კონსტანტინე ბოლქვაძის კურატორობით, არის ერთგვარი ხიდი, დიალოგი - თანამედროვე ხელოვანებსა და ძველი თაობის მხატვრებს შორის. გამოფენის იდეაა, ამ ფორმით მოხდეს საბჭოთა, პოსტსაბჭოთა და 2000-იანი წლებიდან დღემდე არსებული სახელოვნებო სტილის გადააზრება. სოცრეალიზმი, "მხატვართა სახლის" თაობის ხელოვნება და დამოუკიდებელ საქართველოში ფორმირებული ტენდენციები - განვითარების ამ გზას მკაფიოდ წარმოჩენენ. გამოფენაში მონაწილეობენ ახალი თაობის არტისტები:

ნინა ახობაძე
ნინუკა საკანდელიძე
ნინო ზირაქიშვილი
მაია ბარათაშვილი
მერაბ გუგუნაშვილი

მნიშვნელოვანია, რომ ამ ახალგაზრდა არტისტებს განათლება მიღებული აქვთ თბილისის სახელმწიფო სამხატვრო აკადემიაში. ზოგი მათგანი აქტიურად არის ჩართული დასავლეთ ევროპაში მიმდინარე სამხატვრო პროცესებში. მათ თავიანთი წვლილი შეაქვთ თანამედროვე ქართული ხელოვნების ჩამოყალიბებაში და საკუთარ სიტყვას ახალი, კონცეპტუალური გამოფენებით ამბობენ.




მერაბ გუგუნაშვილი - "იადონის სიყვარული"

ფერწერა, ნახატი, ობიექტი, ინსტალაცია, ტექსტილი, კერამიკა, სკულპტურა - ექსპოზიციის სტილისტური მრავალფეროვნება განპირობებულია პოსტმოდერნისტული სახვითი ენით. დიალოგის სწორედ ამგვარი ფორმა წარმოაჩენს სხვაობას ესთეტიკურ და კონცეპტუალურ ხელოვნებას შორის.



ნინუკა საკანდელიძე - ნახატების სერია "ჰაიკუ"


გამოფენის სახელწოდება - "კონტრაპუნქტი", თავის თავში მოიცავს რამდენიმე დამოუკიდებელი მელოდიის ჰარმონიულ თანაარსებობას. ეკლექტური ექსპოზიცია მიმართულია ძველი და ახალი თაობის არტისტებს შორის არარსებული კომუნიკაციის დამყარებისკენ. ქართული სახვითი ხელოვნების მუზეუმის მუდმივი კოლექციის პარალელურად, კიდევ უფრო საინტერესო იქნება იმავე სივრცეში თანამედროვე ქართული ხელოვნების აღქმა.



ნინა ახობაძე - უსათაურო


მუზეუმის შესახებ

ქართული სახვითი ხელოვნების მუზეუმი თბილისში, 2018 წლის 2 ოქტომბერს გაიხსნა. მუზეუმი ქალაქის შუაგულში - რუსთაველის 7-ში მდებარეობს. საექსპოზიციო სივრცე კერძოა, თუმცა, მასშტაბიდან გამომდინარე, მუზეუმს ეროვნული მნიშვნელობა აქვს.

მუზეუმში წარმოდგენილია მისი დამფუძნებლების - გია ჯოხთაბერიძის და მანანა შევარდნაძის კერძო კოლექცია. დამფუძნებლების მიზანი იყო ქართული საბჭოთა და პოსტსაბჭოთა ხელოვნების ერთ სივცეში თავმოყრ. აქ წარმოდგენილი ექსპონატების უმეტესობა ფართო საზოგადოებისთვის ხელმისაწვდომი არასდროს ყოფილა.




დამთვალიერებელს საშუალება ეძლევა ნახოს 100-ზე მეტი ქართველი ხელოვანის 3500 ნამუშევარი, რომლებიც ბოლო 70 წლის მანძილზეა შექმნილი.

ერთი წლის განმავლობაში მუზეუმმა ბევრი საინტერესო პროექტი განახორციელა - მუდმივმოქმედი ექსპოზიციის პარალელურად, მოეწყო მნიშვნელოვანი გამოფენები, გაიმართა კლასიკური მუსიკის კონცერტი Public(A) Talks-ის ფარგლებში. ჩატარდა საჯარო ლექციები და მასტერკლასები ცნობილი ხელოვანების მონაწილეობით.




"ფრაგმენტები მუზეუმის ფონდიდან" - ჯგუფური გამოფენა მუზეუმის დახურული კოლექციიდან.

"რკინის ფარდიდან აბრეშუმის გზამდე" - ედუარდ შევარდნაძის ხსოვნისადმი მიძღვნილი ფოტოგამოფენა.

ანა შალიკაშვილის ნამუშევრების პერსონალური გამოფენა.

"ის, რასაც ვხედავ" - შალვა მატუაშვილის გამოფენა.



მერაბ გუგუნაშვილი - დეტალი სერიიდან "სააბაზანო"


ლეილა შელიას ნამუშევრების პერსონალური გამოფენა.

გოგი მიქელაძის ნამუშევრების პერსონალური გამოფენა.

"ვეფხისტყაოსანი" - დავით მაჭავარიანის და "სულაკაურის გამომცემლობის" ერთობლივი საეტაპო პროექტი, გრაფიკული რომანის პრეზენტაცია და ილუსტრაციების გამოფენა.

ქეთი დავლიანიძის "აფხაზეთი".

"მუსიკა მუზეუმში" - კლასიკური მუსიკის საღამო და საგანგებო ექსპოზიცია - "ქალთა პორტრეტები მუზეუმის კოლექციიდან". საღამოების სერია "მუსიკა მუზეუმში", მსოფლიო ვარსკვლავმა, იუნესკოს მშვიდობის არტისტმა, პიანისტმა - ელისო ბოლქვაძემ გახსნა.

ტექსტი: ნინია კაკბაძე
Print ელ-ფოსტა
FaceBook Twitter Google
ამავე კატეგორიაში
ბაკურიანში, დიდველის გზას რომ აუყვებით,
ადვილად შენიშნავთ სასტუმროს, რომელიც თავისი დასამახსოვრებელი ჰოლით
ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის
ბაკურიანში რომ დაგაბრუნებთ. ვისაც ბაკურიანი უყვარს, ალბათ
დამეთანხმება, რომ ეს ადგილი თავის ხიბლს წელიწადის ნებისმიერ დროს
ინარჩუნებს. ზამთარში, თოვლით დაფარული მთები,
ბაკურიანში, დიდველის გზას რომ აუყვებით, ადვილად შენიშნავთ სასტუმროს, რომელიც თავისი დასამახსოვრებელი ჰოლით ყველა სტუმარს იზიდავს.


აქ აღმოაჩენთ თბილ და მყუდრო გარემოს. ზუსტად ისეთს, თქვენი ბავშვობის ბაკურიანში რომ დაგაბრუნებთ. ვისაც ბაკურიანი უყვარს, ალბათ დამეთანხმება, რომ ეს ადგილი თავის ხიბლს წელიწადის ნებისმიერ დროს ინარჩუნებს. ზამთარში, თოვლით დაფარული მთები, "ხიჟინები", ქუჩაში მოსიარულე მარხილები, გლინტვეინი, ბევრი ნაცნობი თუ უცნობი ადამიანი, ნამდვილ "ბაკურიანობას" ქმნის. გაზაფხული და შემოდგომა შედარებით მშვიდია. შაბათ-კვირას დასვენების მოყვარულებისთვის, ვისაც ცოტა ხნით უნდა, რომ გაექცეს ქალაქის ტემპს და სუფთა ჰაერზე, სიმშვიდეში დაისვენოს, იდეალურია.

ზაფხულში ბაკურიანში ნამდვილი დღესასწაული იწყება. აქ მთავარი ამბებს პატარები ქმნიან. სწორედ ეს პატარა ვიზიტორები არიან ბაკურიანის მთავარი ელჩები. მათ იმდენად უყვართ აქ დასვენება, რომ სადაც არ უნდა წავიდნენ არდადეგებზე, ზაფხულის რამდენიმე დღის გატარება ბაკურიანში მაინც უნდათ. ამისთვის კი, ყველას თავისი მიზეზი აქვს.

ზაფხულში, ბაკურიანში ყოველდღე გინდა რომ ისეირნო პარკიდან ტყეში, ტყიდან კოხტაზე, კოხტადან მინდვრის ყვავილებით აყვავებულ დიდველზე და ასე, დაუსრულებლად. რაც მთავარია, გინდა რომ დაისვენო ოჯახთან, მეგობრებთან ერთად ისე, რომ თავი იგრძნო სახლში ან საკუთარ აგარაკზე. სწორედ ასეთი დასვენების ადგილია - "ჰილტოპ ბაკურიანი". სასტუმროს იდეალური მდებარეობის გამო, მარტივად დაგეგმავთ თქვენი დღის მარშრუტებს. სასტუმროში დაბრუნებისას კი, თქვენს კომფორტსა და დასვენებაზე "ჰილტოპ ბაკურიანის" გუნდი იზრუნებს. სასტუმროს ეზო თქვენი შვილების და მათი თანატოლების შეხვედრის ადგილი გახდება. თქვენ აივნიდან, ფინჯანი ყავით ხელში, ულამაზესი ხედებით დატკბებით და თან შვილების თამაშს თვალს მიადევნებთ. თუ ერთხელ მაინც მოხვდებით ამ სასტუმროში, მომდევნო სეზონისთვის საუკეთესო ნომერს წინასწარ დაჯავშნით და თქვენს გამოცდილებას ახლობლებსაც თამამად გაუზიარებთ.

მაშ ასე, გახსოვდეთ შეხვედრის ადგილი ბაკურიანში - "ჰილტოპ ბაკურიანი"!


10:03 / 04.08.2020
"ნიკორას" შესანიშნავი სამეულის დეგუსტაცია
09:43 / 04.08.2020
ჰემინგუეის
მონათხრობი
ჰემინგუეის მონათხრობი
10:39 / 12.06.2020
ცნობილი ნორვეგიული
ბრენდი საქართველოში
ცნობილი ნორვეგიული ბრენდი საქართველოში
07:17 / 05.06.2020
კარანტინის 2 თვე... ჩემთვის
ერთგვარი აღმოჩენების პერიოდი...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
"აგარაკობა" წავკისში
"ნიკორას" შესანიშნავი სამეულის დეგუსტაცია
09:43 / 04.08.2020
"სითის" მასტერკლასი „გასტრონომში“
"სითიივენთი" ჯერ არა, მაგრამ პანდემიის შემდეგ, პირველი მასტერკლასი "გასტრონომთან" ერთად, შედგა.
10:09 / 03.08.2020
DELFY    Parfume
ცნობილი ბრენდის ახალი სუნამო
15:42 / 08.06.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017

კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ვალუტა
EUR
EUR
1
3.6021
TRY
TRY
1
0.4402
USD
USD
1
3.0719
ამინდი
ბორჯომი 13 °C
img
სოხუმი 19 °C
img
ახალქალაქი 9 °C
img
გამოწერა