City News
ამბავი გოგონაზე, სახელად ელენე
წლის მიწურულს, როდესაც ახალი წლის მართლაც ჯადოსნურ დღეებამდე სულ ცოტა დრო რჩება, ალბათ, ყველა ვუსვამთ საკუთარ თავს კითხვას - რით იყო ეს წელი გამორჩეული?

ეს კითხვა საახალწლო "სითის" დაგეგმვის დროსაც დავსვით და მის გმირზე ფიქრიც დავიწყეთ. გვინდოდა შეგვერჩია ადამიანი, რომლისთვისაც ეს წელი არა მხოლოდ განსაკუთრებული და მრავალფეროვანი, არამედ რაღაც ახლის და დიდის დასაწყისიც იყო. გადავწყვიტეთ 11 წლის ელენე კუჭუხიძის შესახებ მოგიყვეთ. პირველი კლიპის პრეზენტაცია, კონცერტები და ეკოლოგიურად სუფთა, შემეცნებითი სათამაშოების შექმნა. ასეთია მისი 2019 წლის მთავარი ამბები.

ერთმანეთს გადაღებაზე შევხვდით. ფოტოსესიის დაგეგმვაში თავიდანვე აქტიურად ჩაერთო. კამერასთან უჩვეულოდ თავისუფლად მუშაობდა. არ მინდოდა ელენესთან საუბარს ოფიციალური ინტერვიუს სახე ჰქონოდა. ამიტომ, ფოტოების გადაღების და შესვენებების დროს ვსაუბრობდით. მომიყვა სიმღერის შესახებ. გააზრებული აქვს, რომ ეს მისი ყველაზე საყვარელი საქმიანობაა. განსაკუთრებული აღტაცებით საუბრობს ახალ სიმღერაზე "მზეო", რომელსაც ტრიო "ქართულ ხმებთან" (ზურა და გივი ბაკურაძეები, დათო კიკაბიძე) ერათად ასრულებს და ამ სიმღერაზე გადაღებულ კლიპზე. მითხრა, რომ ახალ წლამდე რამდენიმე კონცერტი აქვს, ცეკვის და სიმღერის. ელენე "სუხიშვილების სტუდიის" მოსწავლეა და უკვე მეორე კურსზეა. მესაუბრა სკოლაზეც. ტრადიციულ კითხვას, ყველაზე მეტად რომელი საგნები აინტერესებს, თითებზე ჩამოთვლით უპასუხა - პირველ რიგში, მათემატიკა, ქართული, ინგლისური... ბოლოს კი, "ხე კადუზე" მომიყვა. სათამაშოებზე, რომლის შექმნის იდეაც ეკოლოგიურ პრობლემებზე ფიქრის დროს, სხვების დახმარების სურვილით გაჩნდა.

სიმღერა

- პატარა ვიყავი, როდესაც სიმღერა დავიწყე. ძალიან მიყვარს და მსიამოვნებს. დარწმუნებული ვარ, სიმღერა ჩემს ცხოვრებში სულ იქნება, რადგან ვგრძნობ, რომ ეს საქმე ჩემია.
ელენე 4 წლიდან სისტემატურად მეცადინეობს ვოკალში, პედაგოგ გვანცა შალამბერიძესთან. მიყვება, რომ ხშირად მონაწილეობს კონცერტებსა და სხვადასხვა ღონისძიებაში.

"მზეო"

ამბავი, რომელსაც ელენე განსაკუთრებულად ანთებული თვალებით მიყვება, არის ტრიო "ქართულ ხმებთან" ერთად შესრულებული, ქეთი გაბისიანის სიმღერა "მზეო", მაკა ბლიაძის ტექსტითა და რომან გიორგაძის არანჟირებით და ამავე სიმღერაზე გადაღებული კლიპი, რომლის რეჟისორიც ბაკურ ბაკურაძეა. კლიპის გადაღებას "სითის" გადაღებას ადარებს და მეუბნება, რომ ის უფრო რთული იყო, რადგან ორკესტრთან ერთად იღებდნენ და თითოეული ადამიანის მოძრაობას დიდი მნიშვნელობა ჰქონდა.

"ხე კადუ"

გადამღები ჯგუფი ფოტოსესიაზე მოტანილ "ხე კადუებს" ვათვალიერებთ. ელენე კი ყვება, რომ არასდროს მოსწონდა პლასტმასის სათამაშოები, რომელიც ბუნებას აბინძურებს. უნდოდა ჰქონოდა სათამაშო, რომელსაც თავად ააწყობდა, საკუთარი გემოვნებით გააფორმებდა და, საბოლოოდ, სასარგებლო დანიშნულებასაც გამოუძებნიდა. ასე შეიქმნა "ხე კადუს" სასაჩუქრე ნაკრები _ ასაწყობი ჩიტის სახლი, არყის ხის 9 დეტალით, რომელსაც მოჰყვება: აკრილის საღებავები, პალიტრა, ფუნჯები და ჩიტის საკვები, მომავალში მათ გამოსაკვებად.

ჩვენი შეხვედრის დასასრულს, ელენე მეუბნება, რომ ფოტოსესია მოეწონა და კარგად იმხიარულა. სათითაოდ გამომკითხა ჟურნალისტის, ფოტოგრაფის, ვიზაჟისტის პროფესიების შესახებ და ბოლოს, ჩემდა გასაოცრად, 11 წლის გოგონა მეუბნება - "ცხოვრებაში ბევრი რამ უნდა მოსინჯო. აუცილებლად უნდა სცადო და მიხვდები შენი რა არის და რა არა. აი მე, მაგალითად, დავდიოდი ჩოგბურთზე. მივხვდი, რომ ჩემი არ იყო და დავანებე. მინდა, კიდევ ბევრი რამ ვცადო. თუ გამოვა - გამოვა თუ არადა, მივხვდები რომ ჩემი არ იყო. აი, სიმღერა, ზუსტად ვიცი, რომ ჩემია და სულ მომინდება."

მოდი, ჩვენი სტატიის ბოლოც ეს იყოს. მეც ელენეს აზრს გავიმეორებ და ახალ წელს, ყველაფერ საუკეთესოსთან ერთად, თავგადასავლებით და ბევრი ახალი გამოცდილებით სავსე წელს გისურვებთ.
ტექსტი: ანა არაბიძე

ფოტო: ლიზა გაბუნია

სტილი: ეკატერინე ჩანჩიბაძე
Print ელ-ფოსტა
FaceBook Twitter Google
ამავე კატეგორიაში
გამოცემა
გამოცემა "სითი", სასტუმრო და სპა სივრცე "ლიფერენთი" ერთობლივ რუბრიკას განარძობს.
14:43 / 08.04.2020
პროფესიის არჩევა
- ექიმობა, როგორც მომავალი პროფესია, სკოლის ბოლო კლასებში ავირჩიე.
პროფესიის არჩევა - ექიმობა, როგორც მომავალი პროფესია, სკოლის ბოლო კლასებში ავირჩიე.
11:59 / 13.03.2020
ქრისტინა ჩალაძე და ბეჟან
ხელაშვილი - ეს ტანდემი უკვე, შეიძლება ითქვას, აბსოლუტური ლიდერია
იმაში, რასაც ჩვენ ესთეტიკურ მედიცინას ვეძახით.
ქრისტინა ჩალაძე და ბეჟან ხელაშვილი - ეს ტანდემი უკვე, შეიძლება ითქვას, აბსოლუტური ლიდერია იმაში, რასაც ჩვენ ესთეტიკურ მედიცინას ვეძახით.
10:54 / 12.03.2020
იცით თუ არა რამდენიმე მთავარი
ამბავი
იცით თუ არა რამდენიმე მთავარი ამბავი "გასტრონომის" შესახებ?
18:38 / 10.03.2020
მსოფლიო ბრენდის ახალი ამბასადორის
ახალი ცხოვრება
მსოფლიო ბრენდის ახალი ამბასადორის ახალი ცხოვრება
10:48 / 10.03.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
ლიკა ევგენიძე - სარკევ, სარკევ...
გამოცემა "სითი", სასტუმრო და სპა სივრცე "ლიფერენთი" ერთობლივ რუბრიკას განარძობს.
14:43 / 08.04.2020
თამარ ბარბაქაძე და კლინიკა "რეპროარტი"
ჟურნალ "სითის" მკითხველები უკვე იცნობენ ქართულ - ამერიკული რეპროდუქციული კლინიკა "რეპროარტის" ექიმებსა და მათ ისტორიებს. ამ ნომერში კლინიკის კიდევ ერთი წარმატებული ექიმის, მეან გინეკოლოგ- რეპროდუქტოლოგ- ენდოკრინოლოგ თამარ ბარბაქაძის სამედიცინო გზაზე გიამბობთ.
14:10 / 14.03.2020
ჩანჩიკას ვიტრაჟებიანი სახლი
ბაგებში, ერთ გამწვანებულ ფერდობზე მდგარ კორპუსში, რომლის უკანაც ტყე და ხასხასა სიმწვანე მოსჩანს, მხატვარ-ვიზაჟისტ ეკა ჩანჩიბაძის უმშვენიერესი სახლია. სწორედ მის დასათვალიერებლად ვესტუმრეთ ეკას. პირველი და ყველაზე შთამბეჭდავი, რაც თვალში უეცრად მომხვდა, უზარმაზარი ვიტრაჟებია, საიდანაც ქალაქის ულამაზესი ხედი იშლება. დაახლოებით 6 მეტრამდე სიმაღლის ჭერი, ინტერიერის დახვეწილი, მშვიდი ფერებით შეზავებული სტილი, ბევრი სიმწვანე, საკუთარი ხელით შექმნილი ნივთები და სივრცის დაუვიწყარი შეგრძნება - ასეთია შთაბეჭდილებები ეკას სახლიდან, რომლის აღმოსაჩენად მას ზუსტდ ორი წელი დასჭირდა.
11:22 / 13.07.2019
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« აპრილი 2020 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
ვალუტა
EUR
EUR
1
3.4576
TRY
TRY
1
0.4697
USD
USD
1
3.1794
ამინდი
ბორჯომი -1 °C
img
სოხუმი 6 °C
img
ახალქალაქი -6 °C
img
გამოწერა