City News
და მიდიოდა დღე კარანტინისა ...
კარანტინის 2 თვე... ჩემთვის ერთგვარი აღმოჩენების პერიოდი...


პირველ რიგში საკუთარ თავში აღმოვაჩინე ახალი შესაძლებლობები.. ფიზიკური და მორალური. ბევრი რამე გადავაფასე. სხვა რაკურსით დავინახე მოვლენები, ადამიანები - ოჯახის წევრებიც და მეგობრებიც. განსაკუთრებული სითბო და სიყვარული მივიღე ამ ხალხისგან.

ზოგადად, ყოველდღიურ ცხოვრებაში, საერთო რუტინაში ჩართულს, არ გრჩება იმის დრო, რომ გაიაზრო ყველაფერი. ამ ორთვიანმა დისტანციამ დამანახა, როგორი ძალა ჰქონია მონატრებას და სიყვარულს. თურმე როგორი ამაღელვებელია, საკუთარ მშობლებთან დისტანციურად ფანჯრიდან საუბარი, რა სიხარულია, აფთიაქთან ან მარკეტთან შემთხვევით ნაცნობს რომ გადაეყრები, რა ძალა გემატება, სახლში ბევრი საქმე რომ გაქვს და ოჯახის წევრების გვერდში დგომას იგრძნობ, თუნდაც მარტივ თანაგრძნობას.

ჩემს გვერდით ის ადამიანები გამოჩნდნენ, რომლებთანაც დროის უქონლობის გამო, იშვიათი კონტაქტი მქონდა. რა სასიამოვნოა, როცა ვიღაცას ახსენდები და უბრალოდ უნდა გაიგოს, როგორ ხარ, რა გიჭირს, რა გიხარია, როგორ ერევი პრობლემებს და შექმნილ სიტუაციას. მერე შორიდან გაგამხნევებს, შეგიძახებს, სითბოს და სიყვარულს გაჩუქებს და ეს დღეც შემდგარია.

ჩემთვის აღმოჩენა იყო, თუ როგორი მოქალაქეობრივი პასუხისმგებლობა და მაღალი კულტურა გამოავლინა ჩემმა საყვარელმა თბილისმა და თბილისელებმა, მთელმა საქართველომ. როგორ მოვუფრთხილდით ერთმანეთს.

იმასაც მივხვდი, წლების წინ ემიგრაციაში რატომ მომიწევდა გული ამ ქალაქისკენ, რატომ არცერთი წამი არ მიფიქრია სხვა ქვეყანაში, თუნდაც უკეთეს პირობებში ცხოვრებაზე.

დავინახე, როგორი გმირი ექიმები გვყავს. პროფესიონალი და მზრუნველი. და ძალიან ამაყი ვარ ამით. რაც მთავარია, პირველად ვიგრძენი თავი ასე დაცულად და უსაფრთხოდ საკუთარ ქვეყანაში. დიდი მადლობა ამისთვის!!

რაც შეეხება საქმეს.. დისტანციურად ონლაინ ვაგრძელებთ მუშაობას. ახალი თანამედროვე ხელოვნების გალერეის პრეზენტაცია, რომელიც აპრილში იყო დაგეგმილი, გადაიდო. მაგრამ სულ მალე დიდი სიურპრიზი ელით ხელოვნების მოყვარულებს. მოდით, ამაზე ჯერ არ ვისაუბრებ. სიურპრიზადვე დავტოვებ.

გამოგიტყდებით, რომ ბუნებით გამოუსწორებელი ოპტიმისტი ვარ და მჯერა, რომ ძალიან მალე ყველაფერი კარგად იქნება. ამ სიყვარულით და ერთობით ყველანაირ პრობლემას დავძლევთ.

დიდი მადლობა ყველას: ჩემი ოჯახის წევრებს, ჩემს მეგობრებს, კოლეგებს ასეთი სიყვარულისთვის, გვერდში დგომისთვის და ერთგულებისთვის.

მოდით, მოვიშოროთ ნეგატიური აზრები, ცუდი განწყობა, დეპრესია, უიმედობა.. ამბობენ, სიკვდილზე უფრო დიდი დანაკლისია ის, რაც ჩვენში კვდება, სანამ ცოცხლები ვართ. ამიტომ ეს არ უნდა დავუშვათ. წვიმის შემდეგ ცაზე ცისარტყელა ჩნდება, დიდ ტკივილს დიდი სიხარული მოჰყვება...

მჯერა, რომ ფიქრს და აზრს დიდი ძალა აქვს. ამიტომ ერთად შევეცადოთ, რაც შეიძლება ბევრი პოზიტივი!!

მთავარია, გვჯეროდეს, რომ ხვალინდელი დღე დღევანდელზე ბევრად უკეთესი იქნება!!


ნინო მეტრეველი

ხელოვნებათმცოდნე, ხელოვნებისა და კულტურის ევრო-აზიური ცენტრის დამფუძნებელი, გალერეა გამრეკელი.


Print ელ-ფოსტა
FaceBook Twitter Google
ამავე კატეგორიაში
იცხოვრე, რომ მოჰყვე, და რა აქცევს
ამბავს ამბად, თუ არა მისი მოყოლა.
(მარკესი, ფოლკნერი)
იცხოვრე, რომ მოჰყვე, და რა აქცევს ამბავს ამბად, თუ არა მისი მოყოლა. (მარკესი, ფოლკნერი)
13:22 / 10.05.2020
ისევ ყველა დღე
ერთმანეთს რომ გავს და უკეთესი მომავლის იმედი რომ
დაუცხრომელია...
ისევ ყველა დღე ერთმანეთს რომ გავს და უკეთესი მომავლის იმედი რომ დაუცხრომელია...
09:38 / 08.05.2020
გზავნილი რუსა ჩაჩუასგან და დიმა
ნაფეტვარიძისგან
გზავნილი რუსა ჩაჩუასგან და დიმა ნაფეტვარიძისგან
09:23 / 05.05.2020
იცით, არ მიყვარს
ზაფხული - დასვენება არ მიყვარს, უსაქმოდ ყოფნა.
იცით, არ მიყვარს ზაფხული - დასვენება არ მიყვარს, უსაქმოდ ყოფნა.
09:53 / 04.05.2020
სადღაც აპრილის შუა
რიცხვებში რომ გეთქვათ, შენი იზოლაცია აღწერეო, საკმაოდ მოტივაცია
-ასამაღლებელ
სადღაც აპრილის შუა რიცხვებში რომ გეთქვათ, შენი იზოლაცია აღწერეო, საკმაოდ მოტივაცია -ასამაღლებელ "how to" გეგმას დაგიდებდით. პუნქტებად ჩამოგიწერდით, როგორ გადაგენაწილებინათ თქვენი დრო
11:36 / 03.05.2020

პოპულარული
აბაშიძეზე, ერთი ჩვეულებრივი კორპუსის ბოლო სართულზე, 3 შვილთან, მშობლებთან, ბებიასთან და ძაღლთან ერთად ცხოვრობს.
06:41 / 06.06.2018
ეს დღე ისე მახსოვს, თითქოს გუშინ იყო...
07:18 / 19.10.2017
ვინ და როდის მოიგონა ის ამბავი, რომ შვილებთან ერთად მხოლოდ ისეთ ადგილებს უნდა სტუმრობდე, რომლებსაც აქვთ სტატუსი _ "საბავშვო ადგილები".
11:30 / 11.07.2018
რედაქტორის რჩევა

სხვა სიახლეები
და მიდიოდა დღე კარანტინისა ...
კარანტინის 2 თვე... ჩემთვის ერთგვარი აღმოჩენების პერიოდი...
07:16 / 11.05.2020
და მიდიოდა დღე კარანტინისა ...
ჩემი ეკა ხოფერიას მესიჯს ვიღებ (კარანტინის დღეებზე უნდა დავწერო სტატია)
09:23 / 06.05.2020
და მიდიოდა დღე კარანტინისა...
"ყოფიერების აუტანელი სიმსუბუქე"
07:31 / 24.04.2020
Peace Artist

Our Interview with Eliso Bolkvadze was planned as early as summertime, but in the pianist’s life, there are so many things,

10:50 / 02.11.2018
სარედაქტორო
ამბობენ, ქალებს კარგი მეხსიერება აქვთო, მე ვიტყოდი, ძალიან კარგი.
07:46 / 23.10.2017
სიყვარულის მოედანი

ვატო არველაძე
მაკუნა ზედაშიძე

ვისაც შოთა არველაძის ავტობიოგრაფიული წიგნი "გუშინ" წაგიკითხავთ, ბევრ საინტერესო ეპიზოდთან ერთად აუცილებლად გემახსოვრებათ ეს მონაკვეთიც, ფეხბურთელების ოჯახის ახალ თაობაზე:
"ჩემი გიორგუნა, აჩის რეზი, რეზის ვატო და ნიკა... გვარის გამგრძელებლები ჩვენს ოჯახს, ღმერთის წყალობით, არ აკლია, მაგრამ არ ვიცი, რომელიმე თუ გამოვა ფეხბურთელი... და თუ ვერ ითამაშებენ, ალბათ, მე, აჩი, რეზი და კიჭა გავგიჟდებით! გავგიჟდებით, ნამდვილად გავგიჟდებით!"
10:51 / 10.10.2017

კალენდარი
«« მაისი 2020 »»
27282930 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ვალუტა
EUR
EUR
1
3.5366
TRY
TRY
1
0.4654
USD
USD
1
3.1761
ამინდი
ბორჯომი 10 °C
img
სოხუმი 13 °C
img
ახალქალაქი 6 °C
img
გამოწერა