ზაფხულის არდადეგები უჩვეულოდ გავატარე. ვიყავი ყველა იმ უსაყვარლეს საკურორტო ადგილას, სადაც მინდოდა ყოფნა. მოვუსმინე ყველა იმ მელოდიას, რომელიც შთამაგონებს ხოლმე ან, უბრალოდ, კარგ საცეკვაო ხასიათზე მაყენებს. ფილმების საყურებლად არ მეცალა, რადგან წიგნების და ჟურნალების კითხვა ვარჩიე. სისტემატურად ვეცნობოდი ჩემთვის საინტერესო ყველა ამბავს ინსტაგრამიდან და მაინც, გამომეპარა ზაფხულის ნამდვილი დასვენება, რადგან ეს ყველაფერი, კითხვას და მელოდიების მოსმენას თუ არ ჩავთვლით ონლაინ ხდებოდა.