ოსკაროსანი მსახიობი ბრედ პიტი ანჯელინა ჯოლისთან დაშორების შემდეგ პირველ ექსკლუზიურ ინტერვიუს იძლევა.

- ეს სპრინგფილდში იყო, მისოურის შტატში. ახლა ეს ვებერთელა ადგილია, თუმცა მაშინ,  ყანებით იყო გარშემორტყმული. ქალაქიდან ათი წუთის სავალ გზაზე ტყე, ოზარკის მთები და მდინარე მდებარეობდა.  საოცარი ადგილი იყო.

- ჰაკლბერი ფინის მსგავსი ბიჭი იყავი?

- კი, მაგრამ სანახევროდ.

- ეს როგორ?

- გამოქვაბულში გავიზარდე. პირველი ბაპტისტები ვიყავით, წმინდა წიგნის თანახმად, ეს ერთერთი ყველაზე წმინდა მიმდინარეობაა. თუმცა, დამამთავრებელ კლასებში, ჩემი თანატოლების შეხედულებები შეიცვალა და უფრო ქარიზმატულ მოძრაობებში გადავინაცვლეთ. თუმცა მაშინ მსახიობიც კი არ ვიყავი. ღმერთო, როგორ ვართულებთ ხოლმე ყველაფერს, საერთოდაც ჩვენ, ადამინები საკმაოდ რთული არსებები ვართ.

- ამ პერიოდიდან იწყება შენი კინოკარიერა?

- ზოგადად, ადამიანები ხშირად თამაშობენ, თუმცა განსხვავებული ისტორიები ბავშვობიდან მიზიდავდა. სწორედ ეს ისტორიები გავაცოცხლე ფილმებში. განსხვავებულმა ისტორიებმა და კულტურამ მიბიძგა იმისკენ, რომ კინოში წავსულიყავი. არ ვარ ორატორი, რომელიც აქ იჯდებოდა და საინტერესო ისტორიებს გიამბობდათ, თუმცა ამ ისტორიების გადმოცემა კინოში შემიძლია.

- ზოგჯერ, კარგი მსახიობები ბოლომდე იმალებიან მათ როლებში, თუმცა იმის გათვალისწინებით, რომ კარგად გიცნობენ, ამის გაკეთება ბოლო დღეებში ალბათ საკმაოდ რთული იყო შენთვის? მაგალითად, ფილმში ომის მანქანა, შენ შეძელი, რომ ერთი მიმიკით, შეგეყვარებინა მაყურებლისთვის პერსონაჟი და გაგეთავისებინა მათთვის ეს როლი. შემიძლია გავიხსენო ის ეპიზოდი, როდესაც ის გარბის...


- სირბილის სცენა ჩემთვის განსაკუთრებით მნიშვნელოვანი იყო, რადგან ეს იყო დიდების ილუზიაა, როდესაც არ იცი თუ რას წარმოადგენ რეალურად...

- პოლიტიკაში წასვლაზე არ გიფიქრია?

- იმ კუთხით, რომ შემიძლია ფილმების მეშვეობით კონკრეტული მესიჯები გავაჟღერო. თუმცა, მოტივაცია მჭირდება, ვერ ვიქნები ყალბი.

- კარგად გამოგდის იმ პერსონაჟების განსახიერება, რომლებმაც არ იციან ზუსტად, თუ როგორები არიან.

- მეცინება, ვფიქრობ, რომ ნებისმიერი ჩემი სისუსტე, ჩემი ქედმაღლობისგან მომდინარეობს. სიმართლე ის არის, რომ ხშირად ვუშვებ შეცდომებს, ხშირად ვამბობ არასწორ რამეებს, არასწორ დროს და ადგილზე - არ მაქვს ამის ნიჭი, თუმცა ვცდილობ, რომ უკეთესი გავხდე. მართლაც, ვცდილობ, რომ უკეთესი გავხდე.

- ხშირად ანსახიერებ პერსონაჟებს, რომლებსაც სხვადასხვა პრობლემები აქვთ. რას ნიშნავს შენთვის ტკივილი, ემოციური ან ფიზიკური?

- კი, ნამდვილად მითამაშია ასეთი როლები. არასდროს გამიგია ვინმეს იმაზე ხმამაღლა გაეცინოს, ვიდრე აფრიკელმა დედამ, რომელმაც ოჯახის 9 წევრი დაკარგა... რა არის ეს? ეს ალბათ ტკივილისგან მოდის, ეს ზეიმიც არის, ჩემთვის ეს ის არის, რაც ადამიანში რჩება...

- რომ არა ბოლო 6 თვე, როგორ ფიქრობ დღეს აქ იქნებოდი?

- ჩემი აზრით, ადრე თუ გვიან ეს მაინც მოხდებოდა...

Photo credit: RYAN MCGINLEY / Americas National Parks